Viral video: ‘जैसे ज्याचे कर्म, तैसे फळ देतो रे ईश्वर’; आपण जे वागतो, बालतो तेच आपल्यासोबत घडतं हे आपण सगळ्यांनीच आतापर्यंत ऐकलं आहे. तुम्ही एखाद्याला त्रास दिला तर तुम्हालाही कुणीतरी त्रास देईल किंवा तुम्ही एखाद्यासोबत चुकीचं केलं तर उद्या किंवा एक दिवस तुमच्यासोबतही ते घडू शकतं. जसे करावे तसे भरावे अशी म्हण तुम्ही अनेकदा ऐकली असेल. अनेक जण दुसऱ्याचं वाईट चिंतायला किंवा करायला जातात आणि त्यांच्यासोबतच वाईट घटना घडते. याला आपण जसे कर्म तसे फळ असे म्हणतो.
अगदी सोप्या भाषेत सांगायचं झाल्यास, एखाद्याचे आपण वाईट करण्याचा विचार करतो आणि आपल्या बाबतीतही वाईटच घडते. पण याच उलट जेव्हा आपण एखाद्याला मदत करतो, एखाद्यासाठी काहीतरी चांगलं करतो तेव्हा तेसुद्धा आपल्याला दु्प्पट मिळतं. मग आनंद असो वा दुख: आपण जे दुसऱ्यांना देतो तेच आपल्याला मिळतं, याचं ताजं उदाहरण देणारा एक व्हिडीओ सध्या सोशल मीडियावर व्हायरल होत आहे. यामध्ये एका पोलीसाच्या कृतीवर तुम्हालाही धक्का बसेल.
पोलीस फुकट वस्तू घेतात किंवा कमी किमतीत घेतात, अशा घटना अनेकदा समोर येतात. काहीवेळा याचा व्हिडिओ व्हायरल होतो, तर कधी बातम्यांमध्ये याबद्दल माहिती येते. पोलीसाने फेरीवाल्याकडून ५० रूपयांचे जांभूळ घेतले. पण जेव्हा त्याने पैसे मागितले, तेव्हा पोलीसाला राग आला. तो इतका भडकला की त्याने काठीनं मारून रस्त्यावरील सगळ्या जांभूळ विक्रेत्यांना हाकलून दिलं. या व्हिडीओमध्ये तुम्ही पाहू शकता, हे पोलीस कारमधून त्यांच्या मागे काठीने मारत जात आहेत तर हे विक्रेते पोलिसांच्या तावडीतून वाचण्यासाठी पळत आहेत. पोलिसांनी पकडलं आपल्या जांभळांचं नुकसान केलं तर पोटावर पाय येईल या विचाराने हे विक्रेते भर रस्त्यात जांभळाची गाडी घेऊन पळत आहेत.
पाहा व्हिडीओ
सोशल मीडियावर हा व्हिडीओ @Arhantt_pvt नावाच्या एक्स अकाऊंटवरुन शेअर करण्यात आला आहे. यावर आता नेटकरी वेगवेगळ्या प्रतिक्रिया देत आहेत. एकानं म्हंटलंय, “शेवटी हिशोब कर्माचा होतो” दुसरा म्हणते, गरीबाला दिलेला त्रास पुन्हा फिरुन येतोच, तर आणखी एकानं, ‘जैसे ज्याचे कर्म, तैसे फळ देतो रे ईश्वर’ अशी प्रतिक्रिया दिली आहे.
