‘हरे राम हरे कृष्णा’ म्हणणारा सांता पाहिला का? या सांताक्लॉजची सर्वत्र चर्चा, व्हायरल होतोय व्हिडीओ

भारत हा विविधतेने नटलेला देश आहे. सर्व धर्माचे लोक येथे गुण्यागोविंदाने राहतात. एकमेकांच्या सणावारात सहभागी होतात. एकत्र एकोप्याने राहतात. सध्या असाच एक व्हिडीओ व्हायरल होत आहे. या व्हिडीओमध्ये सांताक्लॉज चक्क हरे राम हरे कृष्णा म्हणताना दिसत आहे.

या व्हायरल व्हिडीओमध्ये तुम्हाला दिसेल की कृष्णभक्त लोक आणि सांताक्लॉज रस्त्यावर हरे राम हरे कृष्णा म्हणताना दिसत आहे. यावेळी कृष्ण भक्तांच्या हातात टाळ आणि ढोलकी दिसत आहे. ढोलकी आणि टाळच्या गजरात हे सर्व हरे राम हरे कृष्णाचे नाव गाताना दिसत आहे. विशेष म्हणजे सांताक्लॉज सुद्धा त्यांच्याबरोबर हरीनामाचा गजर करताना दिसत आहे. हरीनामाच्या गाण्यावर सांताक्लॉज नाचताना सुद्धा दिसतो. हा व्हिडीओ पाहून तुम्हीही अवाक् व्हाल. विविधतेत एकता ही आपल्या देशाची एक वेगळी ओळख आहे. हा व्हिडीओ पाहून कोणीही भारावून जाईल.

हेही वाचा : “…मन का विश्वास कमजोर हो ना” चिमुकलीने इतक्या निरागसपणे म्हटली प्रार्थना की पाहून तुम्हीही तिच्या प्रेमात पडाल

अनेक युजर्सनी हा व्हिडीओ पाहून सांताचे कौतुक केले आहेत. एका युजरने लिहिलेय, “मला हा सांता खूप आवडला” तर एका युजरने लिहिलेय, “इतर धर्माचा आदर राखणे, हाच मोठेपणा आहे” आणखी एका युजरने लिहिलेय, “हे फक्त सांताच करू शकतो” अनेक युजर्सनी या व्हिडीओवर मेरी ख्रिसमस म्हणत शुभेच्छा दिल्या आहेत तर काही युजर्सनी जय श्री राम लिहिले आहेत. wo_krishna_hai_bro या इन्स्टाग्राम अकाउंटवरुन हा व्हिडीओ शेअर करण्यात आला आहे.