Car Accident Viral Video : रस्त्यावरून प्रवास करत असताना नेहमी सतर्क असलं पाहिजे. कारण आपल्याकडून घडलेली छोटी चूक किती महागात पडेल, याचा अंदाज लावता येणार नाही. अपघातांमुळे मृत्यू झाल्याच्या अनेक घटना घडल्या आहेत. हायवेवर स्टंटबाजी करणाऱ्या लोकांचे व्हिडीओही समोर आले आहेत. मात्र, स्टंटबाजी करणं काही लोकांच्या अंगलटही आलं आहे. सोशल मीडियावर रील्स किंवा व्हिडीओ बनवण्याचा नादात काही माणसांचे भीषण अपघातही झाले आहेत. अशाच प्रकारच्या एका अपघाताचा धक्कादायक व्हिडीओ व्हायरल झाला आहे.
एक व्यक्ती गाडी चालवत असताना एक्स्प्रेसवेवर स्टंटबाजी करण्याचा प्रयत्न करतो. पण गाडीच्या वेगावर नियंत्रण न मिळवता आल्याने त्याचा अपघाता होतो. पंजाबच्या नवांशहर-फगवारा राष्ट्रीय महामार्गावर स्विफ्ट कारचा अपघात झाला. गाडीच्या अपघाताची थरारक दृष्य कॅमेरात कैद झाली असून व्हिडीओ इंटरनेटवर प्रचंड व्हायरल झाला आहे.
इथे पाहा व्हिडीओ
वाहनचालक एक्स्प्रेसवेवर कार चालवत असताना स्टंटबाजी करत असल्याचं या व्हिडीओ दिसत आहे. रस्त्यावरून खूप गाड्या प्रवास करत असताना तो व्यक्ती स्टंटबाजी करत असल्याचं व्हिडीओत पाहायला मिळत आहे. एका ट्वीटर युजरने या अपघाताचा व्हिडीओ शेअर केला आहे. व्हिडीओ शेअर करत कॅप्शनमध्ये म्हटलंय, रस्त्यावर वाहन चालवताना काळजी घ्या. छोट्या चुकीमुळं तुमचा मृत्यू होऊ शकतो. या व्हिडीओला सोशल मीडियावर @dreamthatworks नावाच्या युजरने शेअर केला आहे.
हायवेवर होणाऱ्या भीषण अपघातांचे व्हिडीओ इंटरनेटवर व्हायरल होताना दिसतात. पण या व्हिडीओंच्या माध्यमातून अपघात होऊ नये, यासाठी नेहमीच जनजागृती करण्याचा प्रयत्न केला जातो. वाहतुकीच्या नियमांचे पालन न केल्यावर अशाप्रकारचे अपघात घडतात. वाहतूक पोलिसांकडून अपघाताचे नियम पाळण्यासाठी चालकांना नेहमीच आवाहन केले जाते. पण काही चालक वाहने अतिवेगाने चालवून जीव धोक्यात टाकतात.
