Drunk girl caught on camera kicking Army jeep, pushing jawan in MP’s Gwalior;video goes viral | Viral Video : मद्यधुंद तरुणीचा भररस्त्यात राडा; चक्क आर्मी जीपला मारल्या लाथा, जवानालाही ढकललं!

या व्हायरल व्हिडीओमध्ये २२ वर्षीय तरुणी आर्मीच्या वाहनावर हल्ला करताना एका जवानाला ढकलताना दिसत आहे.

Drunk Delhi girl caught on cam kicking Army jeep

हा व्हिडीओ व्हायरल झाला आहे (फोटो:@Eimkrrish/Twitter)

एका धक्कादायक आणि लज्जास्पद प्रकरणाचा व्हिडीओ व्हायरल झाला आहे. दिल्लीतील एका २२ वर्षीय मुलीने कथितरित्या आर्मीच्या वाहनावर हल्ला केला आणि मध्य प्रदेशातील ग्वाल्हेरमधील पाडव पोलीस ठाण्याच्या हद्दीत आर्मीच्या जवानांना धक्काबुक्की केली. या घटनेचा एक व्हिडीओ सोशल मीडिया प्लॅटफॉर्मवर व्हायरल झाला आहे. व्हायरल व्हिडीओमध्ये दारूच्या नशेत महिला बुधवारी रात्री रस्त्यावर गोंधळ घालत असल्याचे दिसून आले. तिने आर्मीचे वाहन अडवले आणि त्यावर वारंवार लाथ मारली. यामुळे आर्मीचा एक जवान तिला थांबवण्यासाठी वाहनातून खाली उतरला. धक्कादायक म्हणजे, आर्मीच्या जवानाने तिला थांबवण्याचा प्रयत्न केल्यावर तिने जवानाला दर्शकांच्या होर्ड्ससमोर ढकलले. प्रत्यक्षदर्शींनी सांगितले की तिने अगदी अश्लील शेरेबाजी केली आणि प्रवाशांना शिवीगाळही केली.

पोलिसांनी घेतले ताब्यात

घटनेची माहिती मिळताच पांडव पोलीस स्टेशनमध्ये एकही महिला पोलीस ड्युटीवर नसल्याने पोलिसांनी महिलेला ताब्यात घेण्यासाठी ३० मिनिटांहून अधिक वेळ घेतला, असे फ्री प्रेस जर्नलने दिलेल्या अहवालात सूत्रांच्या हवाल्याने म्हटले आहे. पांडव पोलीस स्टेशनने नियंत्रण कक्षाशी संपर्क साधल्यानंतर महिला कॉन्स्टेबल घटनास्थळी पोहोचल्या आणि मुलीला ताब्यात घेतले.

दिल्लीची मॉडेल

आरोपी मुलीने दावा केला की ती दिल्लीची मॉडेल आहे आणि ग्वालीयर येथे एका कार्यक्रमासाठी आली होती. ती आणि तिचे मित्र शहराच्या एका हॉटेलमध्ये पार्टी करत होते. मुलगी आणि तिच्या एका मित्रामध्ये वाद झाला, त्यानंतर तिने हॉटेल सोडले आणि दारूच्या प्रभावाखाली रस्त्यावर गोंधळ घातला. “वैद्यकीय अहवालाच्या आधारे तिच्यावर अबकारी कायद्याच्या संबंधित कलमांखाली गुन्हा दाखल करण्यात आला. तिची जामिनावर सुटका झाली. आतापर्यंत लष्कराच्या जवानांनी कोणतीही तक्रार दाखल केली नव्हती, ”एफपीजेच्या अहवालात एका पोलीस अधिकाऱ्याच्या हवाल्याने म्हटले आहे.

नेटीझन्सना लखनऊच्या घटनेची आठवण

प्रियदर्शिनी नारायण यादव नावाच्या लखनऊच्या मुलीने कॅब ड्रायव्हरला मारहाण केल्याची व्हिडीओ क्लिपही व्हायरल झाली होती. या घटनेनंतर काही दिवसांनंतर उत्तर प्रदेशच्या राजधानीत कमीतकमी दोन पोलिसांच्या उपस्थितीत आणखी एका महिलेने रिक्षाचालकाला थप्पड मारताना आणि त्रास देताना पकडले होते. आता मध्य प्रदेशात घडलेल्या घटनेनंतर या दोन्ही घटनांची आठवण नेटीझन्सला झाली आहे.

An allegedly drunk 22-year-old model attacked an Army vehicle and created a ruckus in Gwalior on Wednesday night, Police said here on Thursday. the model, who came from Delhi allegedly created a ruckus on the road under the influence of alcohol and stopped Army Vehicle. #gwalior pic.twitter.com/dFUZgwkL5p
— Krrish Rajpurohit (@EimKrrish) September 9, 2021

तुमचं काय मत आहे या घटनेवर?

First published on: 12-09-2021 at 13:01 IST

Web Title: Drunk girl caught on camera kicking army jeep pushing jawan in mps gwalior video goes viral ttg