Father daughter Viral video: लेक माहेराच सोनं, लेक सौख्याच औक्षण, लेक बासरीची धूण, लेक अंगणी पैंजण…मुलींना परकं धन समजलं जातं, कारण एक दिवस ती माहेरचं घर आणि नाव सोडून सासरी नांदायला जाते. पण आईवडीलांच्या मनातील मुलीचं स्थान मात्र कायम राहतं. मुलीची जागा कोणताही मुलगा घेऊ शकत नाही. मुली नेहमीच आईवडीलांची सेवा करताना दिसतात. जी पोरगी आयुष्यभर आई-बापाच्या कुशीत वाढली, जिला हवं ते मिळत होते, ती एका क्षणात दुसऱ्याच्या घरची लक्ष्मी होते.ज्या माहेरच्या घरात मुलगी लहानाची मोठी होते, त्या घरातून काढता पाय घेताना कोणत्याही मुलीचे अंतकरण जड होते. मुलीचं हे हक्काचं घर क्षणात माहेर होतं..यानंतर ती कितीही वेळा माहेरी आली तरी पहिल्यासारखं काहीच उरत नाही. अशाच एका लग्न झाल्यावर पहिल्यांदा माहेरी आलेल्या शेतकरी बाप-लेकीचा व्हिडीओ सोशल मीडियावर तुफान व्हायरल होत आहे.
घरामध्ये जेव्हा मुलगी बोलते आणि बोलतच राहते तेव्हा घरातील प्रत्येक जण म्हणतो, “तोंड दुखत नाही का तुझं? किती बडबड, बडबड” आणि जेव्हा हीच लेक शांत असते तेव्हा आई म्हणते, “बरी आहेस ना तू?” वडील म्हणतात, “आज घरामध्ये एवढी शांतता का बरं?” भाऊ म्हणतो, “रागावलीस का?”लआणि जेव्हा ती सासरी जाते, तेव्हा सगळे म्हणतात, “असं वाटतं घराची शोभाच गेली. शेवटी मुलगी दोन्ही ठिकाणी परकीच असते. ज्या घरात जन्म झाला, लहानाची मोठी झाली. स्वप्न पाहिली, स्वप्नांचा पाठलाग केला आणि ती स्वप्न पूर्णही केली तेच घर तिला सोडावं लागतं. यावेळी तिच्या मनाची काय घालमेल होत असेल हे कुणीच समजू शकत नाही. अशाच एका माहेरी पहिल्यांदा आलेल्या लेकीचा आपल्या वडिलांना बघून कंठ दाटून आलाय.
या व्हिडीओमध्ये तुम्ही पाहू शकता, वडिल शेतात काम करत असतात आणि सासरी गेलेली लेक पहिल्यांदा माहेरी येते तेव्हा बाप-लेकीची भेट ही तुमच्याही डोळ्यात पाणी आणेल. यावेळी बाप-लेक एकमेकांना घट्ट मिठी मारतात आणि दोघांचा अश्रूचा बांध फुटतो. तसेच घरातील इतर सदस्यही हे पाहून भावूक झाल्याचं व्हिडीओमध्ये दिसत आहे.
पाहा व्हिडीओ
हेही वाचा >> मुंबईच्या जुहू बीचवर पुन्हा एकदा दिसला डॉल्फिन; मात्र सोशल मीडियावर VIDEO तुफान व्हायरल होण्याचं कारण काय?
हा व्हिडीओ गेल्या काही दिवसांपासून सोशल मीडियावर व्हायरल होत आहे. नेटकरी व्हिडीओवर वेगवेगळ्या कमेंट करत आपल्या लेकीच्या पाठवणीचे क्षण आठवत आहेत. हा व्हिडीओ @Gulzar_sahab या अकाऊंटवरुन शेअर करण्यात आला आहे. एका युजरने यावर “कन्यादान” अशी कमेंट केली आहे. तर दुसऱ्या एका युजरने लेक प्रत्येकाच्या नशिबी नसते, लेक माहरेचं सोनं असते. अशी कमेंट केलीय.
