सोशल मीडियावर वन्यजीवांशी संबंधित अनेक व्हिडिओ व्हायरल होत असतात. यापैकी काही व्हिडिओ असे असतात जे पाहिल्यानंतर आपल्याला डोळ्यांवर विश्वास ठेवणं कठीण होतं. सध्या असाच एक व्हिडिओ सोशल मीडियावर व्हायरल होत आहे. जो पाहून तुम्हालाही आश्चर्याचा धक्का बसू शकतो. हो कारण या व्हायरल व्हिडिओमधील दृश्य पाहिल्यानंतर काही वेळासाठी तुम्हीही गोंधळून जाल. तुमच्यापैकी अनेकांनी साप आणि मुंगूस यांच्या भांडणाचे व्हिडिओ याआधी पाहिले असतील, पण तुम्ही कधी साप आणि कावळा यांच्यातील भांडणाचा व्हिडिओ पाहिला आहे का? नसेल तर तो देखील तुम्हाला पाहायला मिळणार आहे. कारण व्हायरल होत असलेल्या व्हिडिओमध्ये कावळा आणि साप एकमेकांवर हल्ला करताना दिसत आहेत. या दोघांची लढाई कॅमेऱ्यात कैद झाली आहे. ज्याचा व्हिडीओ लोक मोठ्या प्रमाणात शेअर करत आहेत.
व्हिडीओमध्ये कावळा वारंवार सापावर हल्ला करताना दिसत आहे. तर कावळ्याच्या हल्यामुळे साप पळून जाण्याचा प्रयत्न करत असल्याचं दिसत आहे. व्हिडीओ पाहिल्यानंतर तो जंगलातील असल्याचं स्पष्ट होत आहे. तर एक कावळा अचानक झाडाखाली बसलेल्या सापावर हल्ला करण्याचा प्रयत्न करतो. यावेळी कावळा सापावर हल्ला करण्यासाठी त्याच्याभोवती फिरताना दिसत असून साप कावळ्याच्या तावडीतून निसटण्याचा खूप प्रयत्न करत असल्याचंही दिसत आहे. मात्र, कावळा संधी मिळेल तेव्हा चोचीने सापावर हल्ला करतो. सतत हल्ला केल्यामुळे सापाची अवस्था बिकट झाल्याचं व्हिडिओमध्ये दिसत आहे. तर सापही कावळ्यावर हल्ला करण्याचा प्रयत्न करतो पण त्याचवेळी कावळा पळून जातो.
व्हिडिओ पाहून नेटकरी थक्क –
हा व्हिडिओ इन्स्टाग्रामवर शेअर करण्यात आला आहे. जो आतापर्यंत हजारो लोकांनी पाहिला आहे आणि शेकडो लोकांनी लईक केला आहे. व्हिडिओ पाहिल्यानंतर अनेकजण त्यावर वेगवेगळ्या प्रतिक्रिया देत आहेत. अनेकांनी आश्चर्य व्यक्त करत साप इतका असहाय्य कसा असू शकतो? असा प्रश्न उपस्थित केला आहे. तर अनेकांनी हे दुर्मिळ दृश्य असल्याचं म्हटलं आहे.
