मस्करीची झाली कुस्करी! नवरदेवाला जबरदस्तीने मिठाई भरवायला गेली मेहूणी, पुढे जे घडलं ते पाहून नेटकऱ्यांना आवरेना हसू

हा व्हिडीओ लग्नाच्या एका विधीचा आहे, जिथे मंडपात सगळे आपापल्या कामात व्यग्र असतात. एका बाजूला हास्याची खसखस पिकत असून, गोंधळही सुरू आहे. दरम्यान, मेहुणी मजेशीर मूडमध्ये भावोजींसोबत काही विनोद करते. हसत हसत ती मिठाई जबरदस्तीने त्यांच्या तोंडात भरवण्याचा प्रयत्न करते. मात्र, हा हलकासा विनोद भावोजींना आवडत नाही. ते लगेच रागावतात आणि मेहुणीवर ओरडतात. पुढच्याच क्षणी दोघांमध्ये वाद सुरू होतो आणि वातावरण तणावपूर्ण होते.

व्हिडीओमध्ये स्पष्टपणे दिसते की, मेहुणीने केलेल्या खोडीवर भावोजी लगेचच रागावतात. ते तिला रागाने बाजूला ढकलतात आणि दोघांमध्ये थोडी झटापटही होते. त्यामध्ये मेहुणी खाली पडते. त्यानंतर तिथले लोक भांडण सोडवण्याचा प्रयत्न करीत दोघांना वेगळं करतात. लग्नातील हशा एकदम गायब होतो आणि सगळेच थोडे अवघडलेले दिसतात. काहींना वाटतं की, हे सगळं मजेत केलं गेलं होतं, तर काहींना वाटतं भावोजी खरोखरच रागावले होते.

हा व्हिडीओ सोशल मीडियावर काही वेळातच व्हायरल झाला आणि लोकांनी वेगवेगळ्या प्रतिक्रिया दिल्या. कुणी म्हणाले, “हल्ला अचानक झाला, मेहुणीचं काय चुकलं?” तर दुसऱ्याने लिहिले, “मजेत करा; पण मर्यादा ठेवायला हव्यात.” काहींनी तर विनोद केला, “दाजींच्या मागण्या पूर्ण झाल्या नसतील बहुतेक!”

पाहा व्हिडिओ

दरम्यान, काही लोकांनी या व्हिडीओवर गंभीर प्रतिक्रिया व्यक्त केल्या. त्यांचे म्हणणे आहे की, आजकाल लोक फक्त व्हायरल व्हायचं म्हणून लग्नासारख्या पवित्र सोहळ्यालाही विनोदाचा कार्यक्रम बनवतात. त्यामुळे संस्कार आणि शिस्त यांचं महत्त्व कमी होतं. तरीही या व्हिडीओला खूप व्ह्युजसह प्रतिक्रिया मिळाल्या आहेत आणि तो सध्या सगळ्या सोशल मीडियावर ट्रेंडिंग आहे.

या व्हिडीओने पुन्हा एकदा दाखवून दिले की, लग्नात मजा असली तरी त्यावर मर्यादा ठेवणे खूप गरजेचे आहे. कारण- कधी कधी छोटासा विनोदही मोठे भांडण उभे करू शकतो आणि मेहुणी विरुद्ध भावोजी असा हा VIDEO त्याचे ताजे उदाहरण ठरले आहे.