भावांनो, पाठवणी करताय की किडनॅपिंग! लग्नमंडपातील ‘तो’ VIDEO पाहून युजर्स पडले गोंधळात; म्हणाले…

पाठवणीच्या क्षणी तुम्ही पाहिलं असेल की नवरी आई-वडिलांना, भावंडांना मिठी मारून खूप रडते. सर्वांना काळजी घेण्यास सांगते. पण, या व्हिडीओत नवरीच्या रडण्यासह ओरडण्याचा आवाज येतो आणि दोन तरुण तिला जबरदस्तीनं गाडीत ढकलत आहेत. हा व्हिडीओ सध्या तुफान व्हायरल होतोय.

व्हिडीओत तुम्ही पाहू शकता की, लग्न समारंभानंतरची पाठवणी सुरू आहे. त्यासाठी लग्नमंडपाबाहेर एक सजवलेली गाडी उभी आहे आणि नातेवाईक व कुटुंबातील लोक पाठवणीची तयारी करत आहेत. वातावरण अगदीच भावनिक झालेलं आहे. पण, पुढे जे घडते, ते पाहून सगळेच हसू लागतात. नवरी कारबाहेर उभी राहून रडतेय आणि जोरजोरात ओरडून सांगतेय, “मला जायचे नाही!” तिच्या आवाजातून अंतरीच्या वेदना सहजपणे जाणवतायत; पण तिचे भाऊ किंवा कदाचित कुटुंबातील लोक तिच्याजवळ येतात आणि जबरदस्तीने तिला गाडीत बसवण्याचा प्रयत्न करतात. त्यावर नवरी दोघांना दूर ढकलून देते, लाथ मारते आणि जोरजोरात ओरडत राहते; पण दोघेही तिला उचलून जबरदस्तीने गाडीत बसवतात. ते पाहताना तो क्षण नवरीच्या पाठवणीचा नाही, तर किडनॅपिंगचा क्षण आहे, असे वाटून जाते. शेवटी तिला कसेतरी कारमध्ये बसवले जाते आणि दरवाजा बंद केला जातो.

नवरीसाठी जरी हा कठीण आणि भावनिक क्षण असला तरी ती त्यावेळी जे वागत होती, ते पाहून अनेकांना हसू आवरणं कठीण होतं. prajapati.singar नावाच्या एक्स अकाउंटवरून हा हास्यास्पद व्हिडीओ शेअर करण्यात आला आहे, जो आतापर्यंत लाखो लोकांनी पाहिला आहे. अनेक जण त्यावर कमेंट्स करत आहेत. एकानं लिहिलंय की, हे लग्न होतं की अपहरण?, दुसऱ्यानं लिहिलं की, लग्नाच्या नावाखाली इतकी जबरदस्ती? हा भावनिक छळ आहे. तिसऱ्यानं म्हटलं की, जबरदस्तीने नाही, तर आदरानं वधूला निरोप द्या. त्याच वेळी काही लोकांनी हे ‘नाटक’ असल्याचं म्हटलं आहे.