लग्न समारंभ म्हटलं की, सगळ्याच गोष्टींची जय्यद तयारी सुरू असते. यात नवरी आणि नवरदेवाच्या पोशाखापासून ते लग्नातील जेवण अशा सर्वच गोष्टींच बजेट आखावं लागतं. सध्याच्या लग्नांमध्ये तर वधू किंवा वर यांची ग्रॅंड एन्ट्री हमखास पाहायला मिळते. अशात महागाईच्या याच काळात डोळ्यात अंजन घालणारा एक लग्न सोहळा सोशल मीडियावर जोरदार व्हायरल झाला आहे. यात नवरदेवाने केलेली एन्ट्री पाहून सर्वच नेटकरी भडकले आणि या वराला त्याच्या लग्नाच्या दिवसाच्या स्टंटबद्दल सोशल मीडिया वापरकर्त्यांनी चांगलेच फटकारले आहे. नवरदेवाची होतेय सर्वत्र चर्चा. नवरदेवाचा हा स्टंट एका उपस्थिताने कॅमेऱ्यात रेकॉर्ड केला आणि TikTok वर पोस्ट केला. यामुळे वराच्या विरोधात प्रचंड संताप व्यक्त केला जात आहे. या व्हिडीओत लग्नाच्या ठिकाणी नवरदेव एका कॉफिन बॉक्समधून पोहोचल्याचं दिसतंय. ही चक्रावून टाकणारी घटना अमेरिकेतील आहे. यामुळे हा व्हिडीओ खूप व्हायरल झालाय. ख्रिश्चन धर्मीयांमध्ये मनुष्याचा मृत्यू झाला, की त्याला कॉफिन बॉक्समध्ये ठेवलं जातं. सगळे अंत्यविधी पूर्ण झाले की हा मृतदेह कॉफिन बॉक्ससहित जमिनीत दफन केला जातो. या अजब नवरदेवाने कॉफिन बॉक्सचा उपयोग वेडिंग व्हेन्यूवर जाण्यासाठी केला. ही घटना सध्या चर्चेचा विषय ठरली आहे. (आणखी वाचा : विचित्रच! पठ्ठ्याने मॅगीमध्ये मिसळलं स्ट्रॉबेरी एनर्जी पेय; Viral Video पाहून खवय्ये भडकले!) अशी झाली नवरदेवाची एन्ट्री एंटरटेन स्कॉलर्स या नावाच्या यू-ट्यूब अकाउंटवरून हा व्हिडीओ शेअर केला गेला आहे. या व्हिडीओत आजूबाजूचं वातावरण लग्नसमारंभाचं दिसत आहे. एका गाडीतून काही पुरुष आणि महिला हसत-हसत कॉफिन बॉक्स घेऊन येताना दिसत आहेत. पुढे हा कॉफिन बॉक्स उपस्थितांसमोर ठेवला जातो. बॉक्स घेऊन येणारे स्त्री-पुरुष तिथेच उभे राहतात. एक व्यक्ती हा कॉफिन बॉक्स उघडते आणि त्यातून चक्क सुटाबुटातला नवरदेव उठून उभा राहतो. सोशल मीडियावर लग्नाचा हा व्हिडीओ चांगला व्हायरल झाला आहे. १ मिनिट ११ सेकंदांच्या या व्हिडीओला हजाराहून अधिक व्ह्यूज मिळाले आहेत.
