Accident Viral Video: रस्ते अपघातांचे अनेक व्हिडीओ सोशल मीडियावर व्हायरल होत असतात. यामध्ये काही अपघात हे वाहनचालकाच्या चुकीमुळे होताना दिसतात, तर काही अपघात हे दुसऱ्याच्या चुकीमुळे घडत असतात. असाच एक व्हिडीओ सोशल मीडियावर समोर आला आहे, जो अक्षरश: अंगावर काटा आणत आहे. हा व्हिडीओ एक उदाहरण म्हणूनदेखील समोर आला आहे, ज्याला पाहून तुम्ही गाडी चालवताना किती सतर्क राहायला पाहिजे हे दाखवत आहे. अनेकदा आपण कितीही व्यवस्थित गाडी चालवण्याचा प्रयत्न केला, तरी समोर कोणी चुकीच्या पद्धतीने गाडी चालवत असेल तर अपघात हे होतातच. अशावेळी समोरच्या व्यक्तीच्या चुकीची शिक्षा इतरांनाही भोगावी लागते. सध्या समोर आलेल्या प्रकरणातही असंच काहीसं घडलं आहे. हा व्हिडीओ व्हायरल होत असून आता तुम्हीच सांगा यामध्ये चूक नेमकी कुणाची आहे.
हा व्हिडीओ पाहिल्यावर तुमच्याही काळजाचा थरकाप उडाल्याशिवाय राहणार नाही. हा अपघात एवढा भयानक आहे की याचा व्हिडिओ पाहून कुणाच्याही अंगावर काटा उभा राहील.
ही घटना वडोदरा, गुजरात येथे घडली असून व्हिडीओमध्ये तुम्ही पाहू शकता, एका बाजूचा सिग्नल सुरु आहे आणि दुसऱ्या बाजूची वाहतुक सुरु आहे. यावेळी दुचाकीस्वाराने सिग्नल तोडला आणि पुढे येताच बाजुने येणाऱ्या कारनं बाईक स्वाराला जोरदार धडक दिली. यामध्ये दोन व्यक्ती गंभीर जखमी झाल्या असून त्यांना एसएसजी रुग्णालयात पाठवण्यात आले आहे.हा अपघात इतका भीषण होता की बाईकस्वार आणि बाईकवर मागे बसलेले दोघेही या धडकेत थेट कारच्या चाकाखाली आले. अपघाताच्या घटनेनंतर तातडीने परिसरातील नागरिकांनी जखमींना रुग्णालयात नेले. तिथे त्यांच्यावर उपचार सुरु करण्यात आले. घटनेची माहिती पोलिसांना देण्यात आली. या अपघाताची थरारक दृश्य परिसरातील सीसीटीव्ही कॅमेऱ्यात अतिशय अचूकपणे कैद झाले आहेत.
पाहा व्हिडीओ
सोशल मीडियावर दररोज अपघातांशी संबंधित व्हिडीओ शेअर केले जातात. ज्यातील काही व्हिडीओ पाहिल्यानंतर सर्वांनाच धक्का बसतो. हे अपघात टाळण्यासाठी एकच उपाय आहे, तुम्ही सदैव सावध राहा. @Deadlykalesh नावाच्या ट्विटर अकाउंटवरून हा व्हि़डीओ पोस्ट करण्यात आला असून, या व्हिडीओला लोक वारंवार पाहात आहेत. तसेच हा व्हिडीओ सोशल मीडियावर जोरदार व्हायरल झाला आहे.
