हनुमान चालिसाचा विक्रम; युट्यूबवर मिळाले सर्वाधिक व्ह्यूज

It’s a moment of joy for our @TSeries family today as our Hanuman Chalisa video becomes the 1st devotional video to cross 1 Billion+ views on YouTube. Dad, may your blessings always be with us & help us in achieving many more such milestones#ShriGulshanKumarJi @SingerHariharan pic.twitter.com/iMMGUjlbG6

— Bhushan Kumar (@itsBhushanKumar) May 27, 2020

टी सीरिज हे युट्यूबवरील सर्वाधिक लोकप्रिय भारतीय चॅनेलपैकी एक आहे. ९ मे २०११ साली या चॅनेलवर ‘हनुमान चालिसा’चा एक व्हिडीओ पोस्ट करण्यात आला होता. आश्चर्याची बाब म्हणजे गेल्या नऊ वर्षात हा व्हिडीओ तब्बल एक अब्ज वेळा पाहिला गेला आहे. असा विक्रम करणारा हा भारतातील पहिला युट्यूब व्हिडीओ आहे.

भूषण कुमार यांनी ट्विट करुन ही माहिती चाहत्यांना दिली. “टी सीरिजच्या कुटुंबियांसाठी ही आनंदाची बातमी आहे. आपल्या हनुमान चालिसाच्या व्हिडीओला एक अब्ज व्हूज मिळाले आहेत. बाबा तुम्ही असाच आशिर्वाद आम्हाला देत राहा जेणेकरुन आणखी मोठे विक्रम आम्ही प्रस्थापित करत राहू.” अशा आशयाचे ट्विट त्यांनी केले आहे. भूषण कुमार यांचे हे ट्विट सध्या सोशल मीडियावर चर्चेत आहे. काही तासांत शेकडो नेटकऱ्यांनी यावर आपल्या प्रतिक्रिया दिल्या आहेत. अनेकांनी टी सीरिजला या नव्या विक्रमासाठी शुभेच्छा दिल्या आहेत.