जंगलातून प्रवास करताना किंवा रस्त्याच्या आजूबाजूला दाट झाडी असलेल्या परिसरात अनेकदा वाहनं सावधपणे चालवा असे सांगितले जाते. पण आता मुंबईच्या रस्त्यांवरुनही गाडी चालवतानाही गाडी सावकाश चालवा असे असे सांगण्याची वेळ आली आहे. कारण मुंबईच्या रहदारीच्या रस्त्यावर चक्क एक कोल्हे धावताना दिसतोय. ज्याचा व्हिडीओ सध्या सोशल मीडियावर व्हायरल होत आहे. हा व्हिडीओ पाहून अनेकांनी आश्चर्य व्यक्त केलेय. @dogownerstrainer नावाच्या इन्स्टाग्राम अकाउंटवरुन हा व्हिडीओ व्हायरल होतेय. या व्हिडीओत तुम्ही पाहू शकता, एक तरुण मित्रांसह रस्त्याने बाइकवरुन जात असतो. यावेळी बाइकने काही अंतर पुढे जाताच त्याच्या गाडीसमोर आधी एक कुत्रा पळत जातो, तर पुढे चक्क एक कोल्हा पळत येताना दिसतोय. हा कोल्हा रस्त्याच्या एका बाजूने दुसऱ्या बाजूला पळत जाताना दिसतोय. यावेळी बाइकवरील तरुण जोरजोरात कोल्हा, कोल्हा करुन ओरडताना दिसताय. हा व्हिडीओ मुलुंड पूर्वेकडील असल्याचे सांगण्यात आली आहे. दरम्यान हा व्हिडीओ पाहून अनेकांनी त्यावर कमेंट्स केल्या आहेत. एकाने मजेशीर पद्धतीने लिहिले की, कोल्हा आहे तो मित्रा, लांडगा नाहीये त्याला घाबरायला. आणखी एका युजरने लिहिले की, कांजूर भांडुप खाडीमध्ये सुद्धा असे भरपूर कोल्हे आहेत. तर अनेकांनी पूर्वी हा जंगल परिसर होता त्यामुळे असे प्राणी रस्त्यावर येत असल्याचे सांगितले. तसेच प्राण्यांनी इथे आक्रमण केले नाही तर प्राण्यांच्या जागेवर माणसांनी आक्रमण केल्याचे मत अनेकांनी व्यक्त केले आहे.