होमवर्क कर्फ्यू….रात्री 10 च्या आत सर्व विद्यार्थ्यांना झोपणं बंधनकारक!

‘आठवड्याच्या शेवटी व सुट्यांच्या दिवशी विद्यार्थ्यांना अभ्यास करायला सांगू नये’

(सांकेतिक छायाचित्र)

चीनमध्ये सध्या शिक्षण व्यवस्थेबाबत मोठ्या प्रमाणात चर्चा सुरू आहे. कारण आहे शिक्षण विभागाने विद्यार्थ्यांबाबत पारित केलेला नवा प्रस्ताव. यामध्ये विद्यार्थ्यांच्या होमवर्कपेक्षा झोपण्याला सर्वाधिक प्राधान्य देण्यात आलं आहे. येथे शालेय विद्यार्थ्यांसाठी एक नवा नियम लागू होत आहे.

चीनमध्ये शिक्षण विभागाने एक प्रस्ताव पारित केला असून त्याअंतर्गत प्रत्येक आई-वडिलांनी आपल्या मुलांना रात्री 10 च्या आत झोपवणे अनिवार्य असेल. नव्या नियमांनुसार, येथे शालेय विद्यार्थ्यांचा अभ्यास झालेला असो अथवा नसो, रात्री 10 च्या आत मुलांना झोपवणे बंधनकारक असणार आहे. याशिवाय पालकांना आठवड्याच्या शेवटी मुलांसाठी ट्यूटर( खासगी शिक्षक) ठेवण्यास देखील बंदी घालण्यात आली आहे. तर, प्राथमिक शाळेतील विद्यार्थ्यांना रात्री 9 च्या आत झोपणे गरजेचे असणार आहे. आठवड्याच्या शेवटी व सुट्यांच्या दिवशी विद्यार्थ्यांना अभ्यास करायला सांगू नये, असा हा नियम आहे.

आणखी वाचा- चोर रेल्वेनं पळाला, पोलिसांनी विमानाने पाठलाग केला; अजब अटकेची गजब कहाणी

चीनच्या झेजियांग प्रांतात हा प्रचंड चर्चेचा विषय ठरला असून हे नियम म्हणजे होमवर्क कर्फ्यू असल्याच्या प्रतिक्रिया पालकांकडून येत आहेत. पालकांमध्ये या नियमांप्रती राग असून यामुळे मुलं मागे पडतील असं त्यांचं म्हणणं आहे. पुर्व झेजियांग प्रातांतील शिक्षण विभागाने असे 33 नियम प्रकाशित केले आहेत. नियमांनुसार, शालेय विद्यार्थ्यांचा अभ्यास झालेला असो अथवा नसो, 10 च्या आत त्यांना झोपवणे गरजेचे आहे.

सर्वत्र पालक आपल्या मुलांवर अभ्यासासाठी, त्याचं भविष्य उज्ज्वल व्हावं आणि चांगल्या महाविद्यालयात प्रवेश मिळावा यासाठी चांगले मार्क्स मिळवण्याचा दबाव शाळेपासूनच टाकत असतात. त्यामुळे हा नियम लागू करण्यात आला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Homework curfew issued in china schools rules made from reading to sleeping sas

Next Story
VIDEO: अस्वच्छ खोली १५ मिनिटांत चकाचक
ताज्या बातम्या