Viral Video : गर्दीचा फायदा घेत अनेक चोरटे मौल्यवान वस्तू चोरताना दिसून येतात आणि गर्दीच्या ठिकाणी अशा चोरांना पकडणे अनेकांना अवघड जाते. चोरटा अगदी नियोजन आखून चोरी करतो, असे म्हटले जाते. कारण- चोरी करताना तो पकडला जाण्याची त्याला भीती असते. तसे झाल्यास आधी सार्वजनिक ठिकाणी असलेले लोक चोराला पकडून मारतात आणि मग पोलिसांच्या ताब्यात देतात. आज सोशल मीडियावरसुद्धा असंच काहीसं पाहायला मिळालं आहे. एका आजोबांनी चोराला पकडण्याची एक फिल्मी स्टाईल शोधून काढली आहे; जी पाहून तुम्हीसुद्धा चकित व्हाल.
व्हायरल होणाऱ्या व्हिडीओत तुम्ही बघू शकता की, एका मॉलमध्ये बरेच जण खरेदी करण्यासाठी आले आहेत आणि माणसांच्या रहदारीत अचानक एक चोर धावत येताना दिसतो. हा चोर काहीतरी चोरी करून पळ काढत आहे. तसंच व्हिडीओत तुम्ही बघू शकता की, समोरून चोर धावत येत असतो आणि त्याच्या विरुद्ध दिशेनं एक वृद्ध जोडपं चालत येत असतं. त्यातील आजोबांची अचानक त्या चोरावर नजर पडते आणि आजोबा पळत येणाऱ्या चोराच्या पायांत हुशारीने पाय टाकतात आणि चोराला पाडतात. परंतु, चोर आणि आजोबा दोघेही क्षणांत खाली पडतात. चोराला पकडण्याच्या नादात आजोबा जोरात जमिनीवर पडतात. पडल्यामुळे त्यांना नक्कीच दुखापत झाली असेल हे व्हिडीओ पाहून कळत आहे. आजोबांनी चोराला पकडण्यासाठी कसा जुगाड केला हे एकदा तुम्हीसुद्धा व्हिडीओतून बघाच …
हेही वाचा…किरीट सोमय्यांनी दहीहंडी गाजवली! भरपावसात खांद्यावर चढून डान्स, महिलांबरोबर घातली फुगडी, Video पाहा
व्हिडीओ नक्की बघा :
फिल्मी स्टाईलमध्ये पकडले चोराला :
चित्रपटात अनेकदा आपण पाहिले असेल की, चोराला पकडण्यासाठी हीरो जीवाचे रान करतो तो उंच इमारती किंवा गाड्यांवरून उड्या घेऊन चोराला पकडतो. असंच काहीसं या व्हिडीओतसुद्धा पाहायला मिळालं आहे. आजोबांनी एकदम फिल्मी स्टाईलनं या चोराला पडकण्यासाठी प्रयत्न केला. हे आजोबा ८४ वर्षांचे आहेत, असं सांगितलं जात आहे. या वयात आजोबांनी चोराला पकडण्यासाठी दाखवलेली हिंमत अगदीच कौतुकास्पद आहे.
सोशल मीडियावरही हा व्हिडीओ @roberyfail या अकाउंटवरून शेअर करण्यात आला आहे. व्हिडीओ पाहून अनेक जण आजोबांच्या हिमतीचं कौतुक करीत आहेत. तर, आजोबांनी या वयात चोराला पकडण्यासाठी प्रयत्न तरी केला, असंसुद्धा म्हणत आहेत. तसंच, नवीन पिढीनं आजोबांकडून शिकायला पाहिजे, अशी कमेंट अनेक जण करताना दिसून आले आहेत.
