‘या’ देशात चालते इन्फ्ल्युएन्सरची फॅक्टरी, ऑफिससारख्या स्पेसमध्ये शूट होतात शेकडो व्हिडीओ; व्हायरल video पाहून तुम्हीही व्हाल थक्क!

गाणे, नृत्य, अभिनयापासून फॅशनपर्यंत कोणतेही कौशल्य दाखवण्यासाठी सोशल मीडिया हा एक चांगले प्लॅटफॉर्म आहे. त्यामुळे आजच्या काळात अनेक इन्फ्ल्युएन्सर्स आपल्या टॅलेंटच्या जोरावर सोशल मीडियावर प्रसिद्धी मिळवीत आहेत. अशा काही प्रसिद्ध इन्फ्ल्युएन्सर्सना भारतात सेलिब्रिटींपेक्षा कमी डिमांड नाही. जगभरात एक रील व्हायरल होत नाही, तोवर अल्पावधीत लाखो रील बनत असतात. त्यामुळे तरुणाईदेखील या कामाचा आनंद घेऊ लागली आहे. यातून केवळ नावच नाही, तर पैसा आणि प्रसिद्धी, असे सर्व काही मिळते. त्यात प्रत्येकाला आपल्या आवडीनुसार सर्व काही करता येते.

बहुतेक लोक आपल्या यूट्युब चॅनेल, फेसबुक आणि इन्स्टाग्राम पेजवर प्रॉडक्ट रिव्ह्यू, डान्स, सिंगिंग व अॅक्टिंगचे व्हिडीओ शेअर करीत असतात. त्यासाठी खूप मेहनत घ्यावी लागते. नवशिके बहुतेक काम एकटेच करतात. पण, जेव्हा यातून चांगली कमाई होऊ लागते तेव्हा काही इन्फ्ल्युएन्सर एक ग्रुप करून व्हिडीओ तयार करू लागतात. पण, तुम्ही कधी अशी जागा पाहिली आहे का की, जिथे एकाच वेळी अनेक इन्फ्ल्युएन्सर येऊन व्हिडीओ बनवतात. नाही पाहिली ना; पण असा एक देश आहे की, जिथे चक्क इन्फ्ल्युएन्सर एका मोठ्या ऑफिससारख्या जागेत येऊन एकाच वेळी शेकडो व्हिडीओ बनवतात.