Viral Video : रॉयल एन्फिल्ड ही अशी बाइक आहे ज्याची सध्या जोरदार चर्चा सुरू आहे. तरुणांमध्ये ही बाइक लूक आणि फिचर्समुळे चांगलीच चर्चा सुरू आहे.अनेक तरुण मंडळी या बाइकची खरेदी करताना दिसत आहे. तुम्ही आजवर रॉयल एन्फिल्डच्या अनेक बाइक्स बघितल्या असतील पण तुम्ही कधी रॉयल एन्फिल्डची सायकल बघितली आहे का? तुम्हाला प्रश्न पडला असेल की रॉयल एन्फिल्डची सायकल सुद्धा आली आहे का? नाही, पण एका तरुणाने जुगाड करुन रॉयल एन्फिल्डची सायकल बनवली आहे. सध्या या सायकलचा व्हिडीओ सोशल मीडियावर चांगलाच व्हायरल होत आहे.
या व्हायरल व्हिडीओमध्ये तुम्हाला दिसेल की एक तरुण रॉयल एन्फिल्ड वरुन जाताना दिसत आहे. व्हिडीओत सुरवातीला तुम्हाला वाटेल की ही एक बाइक आहे मात्र त्यानंतर जेव्हा तुम्ही जवळून पाहाल तर तुम्हाला हा तरुण पॅडल मारताना दिसेल आणि नंतर सायकल असल्याचे कळेल. या सायकलच्या मागे या तरुणाने लिहिलेय, “लकी टू ग्रेट बुलेट एक्सप्रेस” आणि त्याखाली लिहिलेय, “रॉयल एन्फिल्ड” या सायकलची डिझाइन खूप हटके आहे. ही सायकल पाहून तुम्हीही थक्क व्हाल.
हेही वाचा : डॅशिंग कॅट! नवरात्रीच्या पोशाखात मांजर दिसतेय आणखी गोड, व्हायरल व्हिडीओ एकदा पाहाच
nepalioldsongandnewviralvideos या इन्स्टाग्राम अकाउंटवरुन हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “चांगल्या गोष्टींची मी नेहमी प्रशंसा करतो” या व्हिडीओवर अनेर युजर्सनी प्रतिक्रिया दिल्या आहेत. एका युजरने लिहिलेय,”गरीबासाठी हीच बुलेट आहे” अनेक युजर्सनी या व्हिडीओवर कौतुकाचा वर्षाव केला आहे.
