गरीबांसाठी तो बनला मोटारबाईक अॅम्ब्युलन्स दूत

गेल्या वीस वर्षांपासून ते सेवा राबवत आहे

गेल्या वीस वर्षांपासून एकटेच ती रुग्णवाहिकेची सेवा देत आहे.

करीमुल हक या नावाची प्रत्येक भारतीय व्यक्तीने दखल घेण्यासारखी आहे. तुमच्या आमच्यासाठी ते सामान्य व्यक्ती असतील पण त्यांचे काम मात्र असामान्य आहे. चहाच्या बागेत काम करणारे करीमुल हक गेल्या वीस वर्षांपासून गावात मोटारसायकल रुग्णवाहिका चालवतात. खेड्यांपासून रुग्णालय लांब आहेत अनेक गावांत रुग्णवाहिकाही पोहोचत नाही म्हणूनच करीमुल स्वत: आपल्या मोटारबाईकवरून रुग्णांना रुग्णालयात घेऊन जातात.

करीमुल हक चहाच्या बागेत काम करतात. या कामाचे त्यांना दरमहा ४ हजार मिळतात. यातले काही अर्धे पैसे ते आपल्या मोटारबाईकच्या पेट्रोलसाठी खर्च करतात तर उरलेल्या पैशांतून कर्ज फेडतात. पश्चिम बंगालच्या सुबर्नपुर येथे ते राहतात. १९९८ पासून त्यांने मोटार बाईक रुग्णालयाची सेवा सुरू केली आहे. या गावांत आजही रुग्णवाहिका पोहोचत नाही. म्हणूच गावातील आणि आजूबाजूच्या खेड्यातील रुग्णांना आपल्या बाईकवरून रुग्णालयत पोहोचवण्याचे काम ते करतात. लोकांची सेवा करणे हेच आपले कर्तव्य असल्याचे ते मानतात. खेड्यातील लोकांना त्यांनी आपला मोबाईल नंबर दिला आहे. जो फोन करेल त्यांच्या मदतीला करीमुल घावून जातात. गेल्या वीस वर्षांपासून एकटेच ते रुग्णवाहिकेची सेवा देत आहे. त्यांच्या कामगीरींसाठी त्यांना पद्मश्री पुरस्काराने देखील सन्मानित करण्यात आले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Karimul haque is running bike ambulance for villagers