धक्कादायक! रुग्णालयाच्या ऑपरेशन थिएटरमध्ये डॉक्टरांचे Pre-Wedding Shoot; व्हिडीओ समोर येताच झाली ‘ही’ कारवाई

ऑपरेशन थिएटरमध्ये चक्क प्री-वेडिंग शूट

कर्नाटकच्या चित्रदुर्गमधील ब्रह्मसागर परिसरातील जिल्हा रुग्णालयात डॉ. अभिषेक यांना कंत्राटी पद्धतीने नियुक्त करण्यात आले आहे. याच डॉ. अभिषेक यांनी सरकारी रुग्णालयातील ऑपरेशन थिएटरमध्ये प्री-वेडिंग शूट केले. या शूटमध्ये डॉक्टर एका रुग्णाचे ऑपरेशन करताना आणि त्यांची जोडीदार त्यांना मदत करताना सहायक दाखविण्यात आली आहे. वैद्यकीय पद्धतीच्या या थीमचे त्यांनी हे फोटोशूट केले होते.

अरे, हा तर पोकेमॉन! समुद्रातील ‘तो’ छोटासा सुंदर जीव पाहून युजर्स अवाक्; VIDEO पाहून म्हणाले…

व्हिडीओत रुग्ण म्हणून दाखविलेली व्यक्ती शेवटी उठून हसताना दिसते. यावेळी कॅमेरामन आणि त्यांचे इतर असिस्टंटही हसताना दिसत होते. ओटीमधील प्री-वेडिंग शूटचा हा व्हिडीओ बुधवारचा (७ जानेवारी) आहे.

आरोग्यमंत्र्यांकडून कडक कारवाई

सोशल मीडियावर हा व्हिडीओ व्हायरल झाल्यानंतर आता कर्नाटकचे आरोग्यमंत्री दिनेश गुंडू राव यांनी या घटनेबाबत डॉ. अभिषेक यांना फटकारत त्यांच्यावर निलंबनाची कारवाई केली आहे. मंत्री दिनेश राव यांनी एक्सवर (पूर्वीचे ट्विटर) एक पोस्ट करीत लिहिले की, सरकारी रुग्णालये ही लोकांच्या काळजीसाठी उभारण्यात आली आहेत; वैयक्तिक कामासाठी नाहीत. डॉक्टरांचा असा बेशिस्तपणा मला सहन करु शकत नाही, असे दिनेश राव म्हणाले.

आरोग्यमंत्री पुढे म्हणाले की, ऑपरेशन थिएटरमध्ये प्री-वेडिंग शूट करणाऱ्या डॉक्टरवर निलंबनाची कारवाई करण्याचे आदेश दिले आहेत. पण, त्याचबरोबर सर्व कंत्राटी कर्मचाऱ्यांसह आरोग्य विभागात कार्यरत सर्व डॉक्टर व कर्मचाऱ्यांनी शासकीय सेवा-नियमांचे पालन करावे, असे बजावण्यात आले आहे.