Lion Saves Lioness Video: ती एकटी होती… आजूबाजूला फक्त आक्रमक नजरा आणि मृत्यूचं सावट. शिकार होणं हा केवळ काही क्षणांचा खेळ वाटत होता. पण, जेव्हा जंगल दणाणलं एका प्रचंड गर्जनेनं, तेव्हा सगळं चित्रच बदललं. जे घडलं, ते पाहून इंटरनेट थरथरलं, लोक भावूक झाले आणि ही जंगलातली ‘प्रेमकहाणी’ सगळ्यांच्या मनाला चटका लावून गेली… हा केवळ एक व्हिडीओ नाही, तर सिंहाचं शौर्य, सिंहिणीचं धैर्य आणि त्यांच्या नात्यातील अतूट विश्वासाचं प्रतीक आहे. असा थरारक क्षण तुम्ही याआधी कधी पाहिला नसेल.
जंगलात नेहमीच ताकदीचा खेळ असतो. इथं ज्याचं बळ, त्याचा विजय. पण, जेव्हा नातं हृदयाशी जोडलं जातं, तेव्हा ताकदही झुकते. असंच एक थरारक व हृदयस्पर्शी दृश्य सध्या सोशल मीडियावर जबरदस्त व्हायरल होतंय. या व्हिडीओमध्ये सिंहीण तरसांच्या घेऱ्यात अडकलेली दिसते, तिच्या वेदनायुक्त गर्जना जंगलात घुमू लागतात. आणि मग… जंगलाचा राजा सिंह संकटात सापडलेल्या आपल्या प्रेयसीच्या मदतीला धावून येतो. पुढचं दृश्य पाहून शहारे येतात.
तरसांच्या घेऱ्यात सिंहीण
या धक्कादायक व्हिडिओमध्ये दिसतं की एकट्या सिंहिणीला अनेक तरसांनी चहुबाजूंनी घेरलेलं आहे. तरस म्हणजे जंगलातला सर्वांत चतुर आणि टोळक्याने हल्ला करणारा हिंस्र प्राणी. त्यांनी सिंहिणीवर आक्रमण केलंय आणि तिची अवस्था फारच बिकट झाल्याचे दिसतेय. तिच्या वेदनांनी आणि मदतीच्या हाकांनी वातावरण अधिक भेदरलेलं होतं. मात्र, सिंहीणही शेवटपर्यंत झुंज देत होती. हार मानायला तयार नव्हती.
सिंहाची गर्जना आणि उलटला डाव
सिंहीण कोंडीत सापडलेली असताना अचानक एक प्रचंड गर्जना ऐकू येते. त्यानंतर जंगलाचा खरा राजा असलेला सिंह पुन्हा जोरात गर्जना त्या ठिकाणी दाखल होतो. सिंहिणीच्या एका आक्रोशावर धावत आलेल्या सिंहाने मग काय एकामागून एक तरसांना धडाधड पळवून लावायला सुरुवात केली. त्याचा रुद्रावतार पाहून संपूर्ण जंगल हादरून जातं. सिंहाच्या एका एकट्या हल्ल्यानं तरस सैरभैर झाले. काही सेकंदांतच सिंहानं तरसांचा डाव त्यांच्यावरच उलटवला. सिंहानं आपली ताकद आणि प्रेमिकेचं रक्षण, अशा दोन्ही गोष्टी सिद्ध केल्या.
व्हिडीओ पाहून लोक भावूक; सिंहाचं कौतुक
हा व्हिडीओ पाहून सोशल मीडिया युजर्स अक्षरशः थक्क झालेत. सिंहिणीवरील अतूट प्रेमासाठी सिंहानं दाखवलेल्या शौर्याचं सर्वत्र कौतुक केलं जात आहे. “हे केवळ ताकदीचं नव्हे, तर नात्याचंही प्रदर्शन आहे,” अशा प्रतिक्रिया युजर्स देत आहेत. काही जणांनी याला जंगलातील ‘प्रेमाची कहाणी’ असंही म्हटलंय. हा व्हिडीओ पाहून अनेकांचे डोळे पाणावलेत.
एकच साक्षात्कार – प्रेम असो वा जंगल, संरक्षण हीच खरी ताकद. हा VIDEO सध्या सोशल मीडियावर धुमाकूळ घालत आहे. तुम्हीही पाहा, सिंह आणि सिंहिणीचं हे हृदयात खोल भिडणारे क्षण…
येथे पाहा व्हिडीओ
“जेव्हा रक्षणासाठी प्रेम उभं राहतं, तेव्हा जंगलाचे नियमही बदलतात!”
