scorecardresearch

Premium

VIDEO: भाजपाच्या विजयासाठी ‘मिरची यज्ञ’, ११ पुरोहितांनी १ क्विंटल मिरच्यांची आहुती देत योगींना मुख्यमंत्री होण्यासाठी दिल्या शुभेच्छा

योगी आदित्यनाथ देखील नाथ संप्रदायातील आहेत. अशा परिस्थितीत यूपीचे मुख्यमंत्री योगी यांच्या विजयासाठी यज्ञ-हवन सोहळा पार पडला.

Yogi_Adityanath
VIDEO: भाजपच्या विजयासाठी 'मिरची यज्ञ', ११ पुरोहितांनी १ क्विंटल मिरच्यांची आहुती देत योगींना मुख्यमंत्री होण्यासाठी दिल्या शुभेच्छा

संपूर्ण देशाचं राजकारण हे उत्तर प्रदेशवर अवलंबून असतं. सर्वाधिक लोकसभेच्या जागा आणि सर्वात मोठी विधानसभा म्हणून या राज्याकडे पाहिलं जातं. त्यामुळे प्रत्येक पक्षाचं या निवडणुकीकडे बघण्याचा दृष्टीकोन वेगळा असतो. राजकीय जाणकार उत्तर प्रदेशकडे लोकसभेच्या दृष्टीकोनातून पाहतात. त्यामुळे भाजपासह इतर पक्षांसाठी ही निवडणूक महत्त्वाची आहे. आता निवडणूक निकालाचं चित्र हळूहळू स्पष्ट होत आहे. या निकालात भाजपा आघाडीवर असल्याचं दिसत आहे. त्यामुळे उत्तर प्रदेशमध्ये पुन्हा योगी राज येणार हे स्पष्ट आहे. यामुळे पक्षाचे नेते आणि कार्यकर्ते उत्साहात दिसत आहेत. मध्य प्रदेशातील उज्जैनमध्ये भाजपच्या विजयासाठी विशेष यज्ञ आयोजित करण्यात आला होता. मतमोजणी सुरू होण्यापूर्वी हा यज्ञ करण्यात आला. बागला मुखी धाम येथे रात्री १० ते ३ या वेळेत ‘मिरची यज्ञ’ करण्यात आला.

पीर रामनाथ महाराज देखील नाथ संप्रदायाचे आहेत आणि योगी आदित्यनाथ देखील नाथ संप्रदायातील आहेत. अशा परिस्थितीत यूपीचे मुख्यमंत्री योगी यांच्या विजयासाठी यज्ञ-हवन सोहळा पार पडला. सर्वप्रथम योगी आदित्यनाथ यांच्या विजयाचा संकल्प घेऊन यज्ञ सुरू करण्यात आला. या यज्ञ कार्यक्रमात ११ पुरोहितांनी भाग घेतला होता. योगी आदित्यनाथ विजयी होऊन पुन्हा उत्तर प्रदेशचे मुख्यमंत्री व्हावेत, अशी इच्छा आहुती वेळी व्यक्त करण्यात आली. या यज्ञात १ क्विंटल मिरची व इतर साहित्याच्या माध्यमातून आहुती देण्यात आली.

Firecrackers brought for Raj Thackeray burn for BJPs Kapil Patil
मनसेचे फटाके, भाजपाचे राज्यमंत्री कपिल पाटील यांच्यासाठी फोडले; कल्याणमध्ये कार्यकर्त्यांच्या अतिउत्साहाची फजिती
tejashwi yadav janvishvas yatra
दहा दिवस अन् ३३ जिल्हे! NDA ला रोखण्यासाठी RJD ची ‘जनविश्वास यात्रा’; तेजस्वी यादव यांना यश येणार का?
Construction Minister ravindra chavans program boycotted by Guardian Ministers and MP
महायुतीतील घटक पक्षाच्या पदाधिकाऱ्यांच्या घरी गेल्याने बांधकाम मंत्री चव्हाण यांच्या कार्यक्रमावर पालकमंत्री, खासदारांचा बहिष्कार
lok sabha constituency review of ahmednagar marathi news, ahmednagar lok sabha constituency review marathi news
नगरमध्ये विखे-पाटील यांच्या साम्राज्याला आव्हान मिळणार का ?

उत्तर प्रदेश विधानसभेत ४०३ जागा असून पक्षांना बहुमतासाठी २०२ सदस्यांचे संख्याबळ लागेल. बहुतांश मतदानोत्तर अंदाजानुसार उत्तर प्रदेशमध्ये भाजपाला पूर्ण बहुमत मिळेल असा अंदाज वर्तवण्यात आला आहे. मात्र यावेळी भाजपासमोर गेल्या निवडणुकीतील संख्याबळ राखण्याचं आव्हान आहे.

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Mirchi yadnya for up cm yogi adityanath in mp ujjain rmt

First published on: 10-03-2022 at 11:51 IST

संबंधित बातम्या

तुम्ही या बातम्या वाचल्या आहेत का? ×