PM Modi Kedarnath Mandir Video: अकरावे ज्योतिर्लिंग श्री केदारनाथ धामचे दरवाजे १० मे २०२४ रोजी सकाळी ७ वाजता यात्रेकरूंसाठी उघडणार आहेत. महाशिवरात्रीच्या शुभ मुहूर्तावर ही घोषणा करण्यात आली होती. याच केदारनाथ धाम येथील एक व्हिडीओ सध्या प्रचंड चर्चेत आहे. लाइटहाऊस जर्नलिझमला या व्हिडिओची एक वेगळी बाजू आढळून आली आहे. यात आपण पाहू शकता की, एक व्यक्ती हातावर चालत केदारनाथ मंदिराची प्रदक्षिणा घालताना दिसत आहे. ३ मिनिट ४७ सेकंदाच्या या व्हिडिओमध्ये दिसणारी व्यक्ती पंतप्रधान नरेंद्र मोदी असल्याचा दावा करण्यात आला आहे.

काय होत आहे व्हायरल?

फेसबुक यूजर देशप्रेमी जगदीश चन्द्र ने व्हिडिओ आपल्या प्रोफाइल वर शेअर केला.

आणखी वाचा
Rashmi Thackeray in Thane for Chaitra Navratri festival
ठाण्यात चैत्र नवरात्रौत्सवासाठी रश्मी ठाकरे उपस्थिती… ठाकरे गटाचे शक्तीप्रदर्शन
Ram Navami 2024 Sury Tilak Festival
Ram Navami: अयोध्येत प्रभू रामाच्या मूर्तीचा सूर्यतिलक! डोळ्यांचं पारणं फेडणारा सोहळा पाहण्यासाठी भाविकांची गर्दी
baramati couple found dead marathi news
बारामतीत सदनिकेत दाम्पत्य मृतावस्थेत, दाम्पत्याच्या शरीरावर तीक्ष्ण शस्त्राचे वार
Sri Swami Samarth Maharaj s prakat din Celebrations to Commence in Akkalkot with Religious and Cultural Programs
श्री स्वामी समर्थ प्रकटदिनी अक्कलकोटमध्ये धार्मिक कार्यक्रम

इतर वापरकर्ते देखील असाच दावा करत व्हिडिओ शेअर करत आहेत.

तपास:

आम्ही InVid टूलमध्ये व्हिडिओ अपलोड करून आणि मिळवलेल्या कीफ्रेमवर रिव्हर्स इमेज सर्च करत तपासणी सुरू केली. आम्हाला फेसबुक पेजवर ५ ऑगस्ट २०२१ रोजी अपलोड करण्यात आलेला एक व्हिडिओ आढळला ज्यामध्ये खूप स्पष्ट चित्र समोर येत आहे. व्हिडिओ खोट्या दाव्यासह शेअर केला जात होता. पण व्हिडिओ स्पष्ट होता. व्हिडिओवरील मजकुरात “Create by श्री केदारनाथ ज्योतिर्लिंग.” असे लिहिलेले आढळून येते. त्यानंतर आम्ही “केदारनाथ मंदिराभोवती हातांवर परिक्रमा” या सर्च टर्मचा वापर करून गूगल कीवर्डचा शोध घेतला.

यामुळे आम्हाला India Tv च्या युट्युब चॅनेल वर तीन वर्ष आधी अपलोड केलेला एक व्हिडीओ आढळला.

कॅप्शन मध्ये लिहले होते: Kedarnath Temple priest walks on his hands on International Yoga Day.
(भाषांतर: आंतरराष्ट्रीय योग दिनानिमित्त केदारनाथ मंदिराचे पुजारी हातावर चालत आहेत)

हा व्हिडिओ Kanak News ने देखील वापरला होता.

आम्हाला आढळले की हे व्हिडिओ ANI वरून घेतले आहेत आणि पुजाऱ्याचे नाव संतोष त्रिवेदी आहे.

व्हिडिओवरील मजकुरात “श्री केदारनाथ ज्योतिर्लिंग निर्मित” असे म्हटले असल्याने, आम्ही “श्री केदारनाथ ज्योतिर्लिंग” नावाचे Facebook पेज आणि ग्रुप्स शोधले यासाठी फेसबुकवर कीवर्ड सर्चचा देखील वापर केला.

आम्हाला, श्री केदारनाथ ज्योतिर्लिंग नावाचे पेज सापडले ज्याचे तब्बल १४ लाख फॉलोवर्स आहेत.

व्हिडिओमध्ये परिक्रमा करताना दिसणारी व्यक्ती आचार्य संतोष त्रिवेदी असल्याचे कॅप्शनमध्ये नमूद केले आहे.

निष्कर्ष: केदारनाथ मंदिराचे पुजारी संतोष त्रिवेदी हातावर चालत परिक्रमा करतानाचा व्हिडिओ व्हायरल झाला असून व्हिडिओमध्ये दिसणारी व्यक्ती पंतप्रधान नरेंद्र मोदी असल्याचा दावा केला जात आहे. व्हायरल दावा खोटा आहे.