Hidden Cat Optical illusion: आज तुमच्यासाठी डोळ्यांच्या तीक्ष्ण नजरेची खरी कसोटी घेणारं एक भन्नाट चॅलेंज घेऊन आलो आहोत…सोशल मीडियावर सध्या एक फोटो मोठ्या प्रमाणात व्हायरल होतोय आणि त्यातून विचारला गेलेला प्रश्न कुणालाही सहज सोडवता येणारा नाही. या फोटोमध्ये एक मांजर अत्यंत शिताफीने लपून बसली आहे; पण ती मांजर शोधताना तुमचे डोळे आणि मेंदू यांची जुगलबंदी होणार आहे.
एका साध्या फोटोनं सध्या नेटकर्त्यांना वेड लावलं आहे. दिसायला अगदी सामान्य वाटणाऱ्या या चित्रात एक चलाख मांजर इतक्या हुशारीनं लपून बसलीय की, ९९% लोकांच्या डोळ्यांना ती सापडलेलीच नाही. काही जणांनी तर चष्मा तीन-तीन वेळा पुसून पाहिलं, काहींनी फोटो झूम करून स्कॅन केला; पण त्यांना उत्तर मिळालं नाही. कोणी म्हणतं की, ही मजा आहे, तर कोणी म्हणतं मेंदूची खरंच कसोटी लागतेय. मग तुम्ही काय करणार? डोळ्यांवर विश्वास ठेवणार की हार मानणार? एकदा फोटो पाहा आणि ठरवा, तुम्ही त्या १% हुशार लोकांत सामील होणार की तुम्हालाही म्हणावं लागेल… “मांजर… तू कुठे आहेस?”
अनेकांनी दावा केला आहे की, त्यांना ही मांजर शोधायला पाच मिनिटांपेक्षा जास्त वेळ लागला, तर काहींनी सांगितलं की, त्यांनी तीन सेकंदांतच ती लपलेलं ठिकाण ओळखलं. एकानं मजेशीर कमेंट केली, “मी तीन वेळा चष्मा साफ केला, तरी मांजर सापडली नाही. आता वाटतंय नवीन चष्मा घ्यावा लागेल.” दुसऱ्यानं लिहिलं, “एक तास शोधलं, तरी मांजर नाही सापडली… आता स्वप्नातही मांजर शोधताना दिसणार!”
खरंच, आहे का या फोटोमध्ये मांजर?
काही लोकांनी फोटो झूम करून, प्रत्येक इंच स्कॅन केला; पण काहीच हाती लागलं नाही. काही युजर्सना संशयही आहे की, हा फोटो फसवा आहे का? पण तज्ज्ञ सांगतात की, हे एक ऑप्टिकल इल्युजन आहे, म्हणजेच मेंदूला मिळणारा खुराक. मानसशास्त्रज्ञ सांगतात की, अशा प्रकारच्या चित्रांमुळे आपला मेंदू ‘पॅटर्न रिकग्निशन’ पद्धतीने काम करीत असतो. ज्या लोकांची निरीक्षणशक्ती अधिक तीव्र असते, त्यांना अशा लपलेल्या गोष्टी पटकन सापडतात.
या फोटोने आतापर्यंत तब्बल सात दशलक्ष व्ह्युज आणि दोन लाखांहून अधिक प्रतिक्रिया मिळवल्या आहेत. काही जण म्हणतात की, जर फोटोला ४५ अंश कोनात झुकवून पाहिलं, तर मांजर लगेचच दिसते.
मग, तुम्ही तयार आहात या डोळ्यांच्या कसोटीला?
फोन थोडा दूर ठेवा, नजर तीव्र करा आणि फोटो पुन्हा एकदा पाहा. लपलेली मांजर सापडते का पाहा… आणि उत्तर मिळालं तर कमेंटमध्ये नक्की सांगा– किती वेळ लागला? कदाचित तुम्ही त्या १% हुशार लोकांत सामील व्हाल… किंवा तुम्हाला ती सापडणार नाही आणि तुम्हीही म्हणाल, “ही मांजर कुठे आहे बुवा!”
येथे पाहा मांजर
