Video : पुण्याच्या रस्त्यावर दिसली तीन चाकी कार! अनोख्या गाडीने वेधले सर्वांचे लक्ष

या व्हायरल व्हिडीओमध्ये तुम्हाला एक कार दिसेल. ही कार टेस्ट ड्रायव्हिंग करण्यासाठी रस्त्यावर उतरवली आहे. विशेष म्हणजे कार इतर कार पेक्षा वेगळी आहे. इतर कार या चारचाकी असतात पण ही कार तीन चाकी आहे. हो, व्हिडीओत तुम्हाला दिसेल की ही कार समोरून इतर कारप्रमाणे दिसते पण मागून बघितल्यास ऑटोप्रमाणे दिसते. तीन चाकी कार पाहून कोणीही थक्क होईल. पुण्याच्या रस्त्यावर ड्रायव्हिंग टेस्ट करणारी ही कार खरंच येणाऱ्या दिवसात बाजारात येणार का? असा प्रश्न उपस्थित केला जात आहे. सध्या हा व्हिडीओ तुफान व्हायरल होत आहे. या व्हिडीओवर लिहिलेय, “कुठली कंपनी असेल पुण्याच्या रोडवर नवीन गाडी दिसली. पुणे येथे तीनचाकी गाडी चारचाकी गाडीच्या रुपात” या व्हिडीओवर अनेक युजर्सनी प्रतिक्रिया दिल्या आहेत.

पाहा व्हायरल व्हिडीओ

nagesh_parekar02_official या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “पुणे तेथे काय उणे…” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “तीन चाकच डम डम” तर एका युजरने लिहिलेय, “पण गाडी एक नंबर आवडली आपल्याला” आणखी एका युजरने लिहिलेय, “ऑटोरिक्षा आणि चारचाकी कारचे कॉकटेल व्हर्जन” काही युजर्सनी ही गाडी महिन्द्रा कंपनीची असल्याचे लिहिलेय तर काही युजर्सनी ही गाडी बजाज कंपनीची असल्याचे लिहिलेय.