सध्या सोशल मीडियावर यशराज मुखाटे या तरुणाच्या साडा कुत्ता कुत्ता.तौडा कुत्ता टॉमी या गाण्याने धुमाकूळ घातला आहे. बिग बॉस च्या १४ व्या हंगामातील शेहनाज गिल आणि सिद्धार्थ शुक्ला या कलाकारांच्या संवादाला यशराज मुखाटेने आपला तडका लगावत नवीन गाण तयार केलं. सोशल मीडियावर या गाण्याला चांगला प्रतिसाद मिळाला आहे. आतापर्यंत अनेक सेलिब्रेटींनी या गाण्यावर डान्स करत आपला व्हिडीओ सोशल मीडियावर पोस्ट केला आहे. आता या गाण्यावर भारतीय संघाचा सलामीवीर शिखर धवननेही डान्स करत आपला व्हिडीओ सोशल मीडियावर पोस्ट केला आहे. View this post on Instagram A post shared by Shikhar Dhawan (@shikhardofficial) शिखरच्या या व्हिडीओला नेटकऱ्यांनी चांगली पसंती दर्शवली असून शिखरचा संघातील सहकारी लोकेश राहुलला हा व्हिडीओ पाहून हसू आवरलं नाहीये. ऑस्ट्रेलियाविरुद्ध वन-डे, टी-२० मालिका संपल्यानंतर शिखर धवन भारतात परतला आहे. ऑस्ट्रेलिया दौरा आटोपल्यानंतर भारतीय संघ घरच्या मैदानावर इंग्लंडविरुद्ध वन-डे, टी-२० आणि कसोटी सामन्यांची मालिका खेळणार आहे.
