Viral video: सोशल मीडियावर व्हायरल होण्याची क्रेझ इतकी वाढली आहे की लोकांना काहीही करून व्हायरल व्हायचे आहे. त्यासाठी स्वत:चा व इतरांचा जीव पणाला लावावा लागला तरी चालेल. रील माफियांना पोलिस आणि कायद्याची भीती तर नाहीच पण आपला जीव गमवावा लागण्याचीही भीती राहिलेली नाही. अशा परिस्थितीत लोक कार आणि बाइकवर धोकादायक स्टंट करतात. यावेळी ते केवळ स्वतःचा जीव धोक्यात घालत नाहीत, तर असे लोक इतरांच्या जीवाशीही खेळतात.असाच एक व्हिडिओ सोशल मीडियावर व्हायरल होत आहे, ज्यामध्ये स्टंटबाजी करताना एका तरुणाचा भीषण असा अपघात झाला आहे.
या व्हिडीओमध्ये तुम्ही पाहू शकता, रील बनवण्यासाठी तरुणाची ही स्टंटबाजी सुरु आहे. त्याचा व्हिडीओ सध्या सोशल मीडियावर व्हायरल होत असून पाहून तुमचाही श्वास थांबेल.काही मंडळींना स्टंटबाजी करण्याची फारच हौस असते. ही मंडळी संधी मिळताच चित्रविचित्र स्टंट मारून लोकांचं लक्ष वेधून घेण्याचा प्रयत्न करतात. पण ही स्टंटबाजी काही वेळेस अंगाशी सुद्धा येते. स्टंटबाजांना नको त्या ठिकाणी मार बसतो आणि आयुष्यभरासाठी अपंगत्व येतं.
या व्हिडीओमध्ये तुम्ही पाहू शकता, एक तरुण ब्रीजवर उभा आहे. तो स्टंट करण्यासाठी तिथे उभा आहे. यावेळी ब्रिजच्या खालून जाणाऱ्या गाड्यांची वाट पाहत आहे. खाली जाणाऱ्या गाडीवर ऊडी मारण्याचा तो प्रयत्न करतो. यावेळी एक ट्रक येतो आणि तेवढ्यात हा तरुण खाली उडी मारतो मात्र यावेळी तरुणाचा अंदाज चुकतो आणि ट्रक पुढे जातो. पुढे तो अक्षरश: वाईटरित्या खाली रस्त्यावर कोसळतो. व्हिडीओमध्ये त्याला गंभीर दुखापत झाल्याचं दिसत आहे. काही क्षणाच्या मजेसाठी अशाप्रकारे जीव जाऊ शकतो त्यामुळे तरुणांनी अशाप्रकारे स्टंटबाजी करताना विचार करावा.
पाहा व्हिडीओ
हा घडलेला प्रकार नक्की कुठल्या शहरातील आहे ते अद्याप समजलेले नाही. मात्र, सोशल मीडियावर हा व्हिडीओ vishanlalmeenagomladu नावाच्या एक्स अकाऊंटवरुन शेअर करण्यात आला आहे. यावर आता नेटकरीही वेगवेगळ्या प्रतिक्रिया देत आहेत.
