पुणे तिथे काय उणे! एका मादीसाठी दोन साप भिडले; नेटकरी म्हणतात, “पोरीचा नाद लय बेकार” VIDEO चा शेवट पाहाच

सोशल मीडियावर रोज वेगवेगळे व्हिडीओ व्हायरल होत असतात. यामधले काही व्हिडीओ हसवणारे असतात तर काही व्हिडीओ पाहून घाम फुटतो. असाच एक व्हिडीओ सध्या सोशल मीडियावर व्हायरल होतोय. असा प्रकार तुम्ही याआधी कधीच पाहिला नसेल एवढं नक्की.

साप किती घातक असतो हे आपल्या सर्वांनाच माहिती आहे. विशेषतः जेव्हा एखाद्या सापासोबत तुमचा सामना होतो तेव्हा परिणाम काय होईल, याची कल्पना न केलेलीच बरी. मात्र याठिकाणी सापच एकमेकांना भिडले आहेत. दोघांमध्ये एवढी जबरदस्त मारामारी झाली आणि मग काय झालं ते पाहून तुम्हीही थक्क व्हाल. हा व्हिडीओ पुण्यातील असल्याचं म्हटलं जात आहे. या व्हिडीओने सर्वांचं लक्ष वेधून घेतलं आहे. एका मादीला आपल्याकडे आकर्षित करण्याचा या सापांचा प्रयत्न होता. व्हिडीओत पाहू शकता दोन साप एकमेकांना लपेटून भांडत आहेत. एकमेकांना ती जबरदस्त टक्कर देत आहेत. सापांची ही लढाई काही वेळ सुरुच होती. या व्हायरल होत असलेल्या व्हिडीओमध्ये तुम्ही तीन साप पाहू शकता. यापैकी दोन साप एकमेकांशी लढत आहेत. आणि तीसरा साप पाठीमागून त्यांची लढाई पाहात आहे. यात कुणी हरलं नाही, कुणाचा जीव गेला नाही. पण दोघांपैकी एक थकला आणि तो तिथून दूर निघून गेला.

पाहा व्हिडीओ

सोशल मीडियावर हा व्हिडीओ @WeUttarPradesh नावाच्या एक्स अकाऊंटवरुन शेअर करण्यात आला आहे. यावर नेटकऱ्यांनीही वेगवेगळ्या प्रतिक्रिया दिल्या आहेत. एकानं “पोरीचा नाद बेकार” अशी गमतीशीर प्रतिक्रिया दिलीय.