Python Attack Viral Video: साप म्हटलं की अंगावर काटा येतो. त्यात अजगरासारखा प्रचंड साप अचानक हल्ला करताना दिसला तर भीतीचं रूपांतर थरारात होतं. असाच एक श्वास रोखून धरायला लावणारा व्हिडीओ सध्या सोशल मीडियावर वेगाने व्हायरल होत आहे. यात एक व्यक्ती आपल्या नुसत्या हातांनी अजगराला पकडते, पण काही क्षणातच अजगर त्याच्यावर झडप घालतो. जीवघेणा प्रसंग डोळ्यासमोर उभा राहतो, मात्र त्या व्यक्तीच्या प्रसंगावधनामुळे जीव वाचतो.
अरे देवा…! अजगरानं अचानक झडप घेतली तर? अशा क्षणी माणूस घाबरून कोसळतो, पण या व्यक्तीने मात्र प्रसंगावधान राखलं. अंगावर काटा आणणाऱ्या या व्हिडीओत तो थोडक्यात वाचतो, मात्र तो क्षण पाहून कुणाच्याही डोळ्यात पाणी येईल.
अंगावर काटा आणणारा क्षण!
व्हिडीओमध्ये दिसतं की प्रसिद्ध वन्यजीवप्रेमी माईक होल्स्टन एका विशाल अजगराला थेट कोंबड्यांच्या घरातून बाहेर काढतो. त्याने खूप दक्षता घेतली होती की अजगर हल्ला करू नये, पण अजगराने अचानक त्याच्या चेहऱ्यावर झेप घेतली. क्षणभर वाटलं आता सर्व संपलं! पण, माईकने अगोदरच काळजीपूर्वक पकड ठेवली होती आणि तो कसाबसा वाचला. हा थरार पाहून प्रत्येकाच्या अंगावर भीतीचा काटा येईल.
अजगर – विषारी नसला तरी घातक
साप म्हटलं की विषारी असा समज असतो. पण, अजगरासारखा साप विषारी नसला तरी तो इतका शक्तिशाली असतो की आपल्या प्रचंड ताकदीने तो माणसालाही ठार मारू शकतो, त्यामुळे त्याचा सामना करणं म्हणजे थेट मृत्यूशी खेळणं! या व्हिडीओतलं दृश्य नेमकं तेच दाखवतं – एक चुकीची हालचाल झाली असती तर माईकचा जीव गेला असता.
सोशल मीडियावर धुमाकूळ
माईकने इन्स्टाग्रामवर शेअर केलेला हा व्हिडीओ आतापर्यंत २ मिलियनहून (२० लाखांहून) अधिक लोकांनी पाहिला आहे. हजारो लोकांनी हा थरारक व्हिडीओ लाईक करून प्रतिक्रिया दिल्या आहेत. कुणी म्हणाले, “हे पाहताना अंगावर काटा आला”, तर कुणी “क्षणभर वाटलं की आता तुला काहीतरी झालंय” अशी कमेंट केली.
कोण आहे माईक होल्स्टन?
माईक होल्स्टन हा फक्त अजगरच नाही तर अजूनही भयंकर प्राणी जसे मगर, किंग कोब्रा यांच्यासोबत थेट खेळताना दिसतो. यूट्यूब आणि इन्स्टाग्रामवर त्याचे लाखो-कोट्यवधी चाहते आहेत. सध्या त्याचे १.५ कोटींपेक्षा जास्त फॉलोअर्स आहेत. त्याचे प्रत्येक व्हिडीओ हे प्रेक्षकांसाठी थरार आणि कुतूहल यांचं अचूक मिश्रण असतं.
अजगराच्या या हल्ल्याचा हा थरारक VIDEO पाहिल्यावर तुमचेही डोळे विस्फारतील आणि अंगावर काटा आल्याशिवाय राहणार नाही!
