scorecardresearch

Premium

प्रेमासाठी वाट्टेल ते! प्रियकरासाठी नेदरलँडहून भारतात आली प्रेयसी, दोघांच्या लग्नाचा भन्नाट VIDEO होतोय व्हायरल

एक विदेशी तरुणी भारताची सून बनली असून ती आपल्या प्रियकरासाठी सातासमुद्रापार आली आहे.

Indian boy dutch girl married
प्रियकरासाठी सातासमुद्रापार आली प्रेयसी. (Photo : X, Social Media)

सध्या एका आगळ्या-वेगळ्या लग्नाची सोशल मीडियावर जोरदार चर्चा सुरु आहे. कारण एक विदेशी तरुणी भारताची सून बनली असून ती आपल्या प्रियकरासाठी सातासमुद्रापार आली आहे. २५ नोव्हेंबरला ती उत्तर प्रदेशाती फतेहपूरला आली आणि बुधवारी रात्री कुटुंबीयांच्या उपस्थितीत या दोघांचा विवाह सोहळा पार पडला. सध्या या देशी नवरा आणि विदेशी नवरीच्या लग्नाचे फोटो आणि व्हिडीओ सोशल मीडियावर मोठ्या प्रमाणात व्हायरल होत आहेत. तर अनेक नेटकरी या दोघांचे अभिनंदन करत आहेत.

मिळालेल्या माहितीनुसार, ललौली पोलीस ठाण्याच्या हद्दीतील दतौली गावात नेदरलँडची मुलगी आल्याची खबर पोलिसांना मिळाली. पोलिसांनी परदेशी तरुणीचा पासपोर्टसह इतर कागदपत्रांची तपासणी केली. राधेलाल वर्मा यांना ३६ वर्षीय निशांत वर्मा आणि ३२ वर्षीय हार्दिक वर्मा अशी दोन मुले आहेत. हार्दिक वर्मा ८ वर्षांपूर्वी नोकरीसाठी नेदरलँडला गेला होता. तो इथे एका फार्मास्युटिकल कंपनीत सुपरवायझर म्हणून काम करत होता.

multi color grapes export demand decline at global level
निर्यातीसाठी रंगीत द्राक्षांना मागणी घटली; जाणून घ्या कारणे काय ?
boat
पालघर: कृत्रिम भित्तिका समुद्रात सोडणारी बोट सातपाटीच्या खडकावर अडकली
DRDO will recruit 90 vacancies
DRDOमध्ये अप्रेंटिस पदासाठी ९० जागांची होणार भरती! ही आहे अर्ज करण्याची शेवटची तारीख
Buldhana Lok Sabha Constituency claimed by Vanchit Bahujan Aghadi which added to complexity of candidature
बुलढाण्यात ‘वंचित’च्या दाव्याने महाविकासआघाडीत पेच!

प्रियकरासाठी आली सातासमुद्रापार –

कंपनीत काम करत असताना, हार्दिकटी भेट नेदरलँडच्या बार्नेवेल्ड शहरात राहणाऱ्या गैबरीला डुडाशी झाली. भेटीनंतर त्यांचा एकमेकांवर जीव जडला. दोघांनीही लिव्ह-इन रिलेशनशिपमध्ये राहण्याचा निर्णय घेतला. दोन वर्षे एकत्र राहिल्यानंतर भारतीय प्रियकर आणि परदेशी प्रेयसी गैबरीला डुडाने लग्न करण्याचा निर्णय घेतला. एवढंच नव्हे तर गैबरीला १५ दिवसांपूर्वी प्रियकरासोबत भारतात आली होती. गुजरातमधील गांधीनगर येथील घरी पोहोचल्यानंतर त्यांच्या कुटुंबीयांनी त्यांचा साखरपुडा केला. हार्दिक वर्माचे वडील राधेलाल वर्मा गेल्या ४० वर्षांपासून गुजरात राज्यातील गांधीनगरमध्ये राहतात. २६ नोव्हेंबर रोजी राधेलाल कुटुंबीयांच्या उपस्थितीत हळदी समारंभ पार पडला. तर २८ आणि २९ नोव्हेंबरच्या मध्यरात्री दोघांचे लग्न धुमधड्याक्यात पार पडले.

दतौली गावात परदेशी नवरी आल्याची जोरदार चर्चा सुरु झाली, त्यामुळे या बाबतची माहिती मिळताच दतौली पोलीस तपासासाठी तत्काळ लग्नस्थळी दाखल झाले. कारण दतौली गावात नेदरलँडमधून आलेल्या मुलीचे वास्तव्य पोलिस आणि एलआययू कार्यालयाला नव्हते. सकाळी लग्नाची माहिती मिळताच दत्तौली पोलीस तपासासाठी दाखल झाले. तरुणाला पोलीस स्टेशनमध्ये बोलावून परदेशी तरुणीच्या पासपोर्टसह महत्त्वाची कागदपत्रे तपासण्यात आली. दरम्यान, विवाह सोहळा सुखरुप पार पडल्याचं कुटुंबीयांनी सांगितलं. तसंच नेदरलँडला पोहोचल्यानंतर दोघेही कोर्ट मॅरेज करणार असल्याचही त्यांनी सांगितलं.

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: The girl came to india from the netherlands for her ups boyfriend the video of the wedding of the two is going viral jap

First published on: 02-12-2023 at 19:31 IST

संबंधित बातम्या

तुम्ही या बातम्या वाचल्या आहेत का? ×