Viral Video: झोपलेल्या तरुणावर वानराने केला अचानक हल्ला, तोंडावरील चादर ओढली अन्…

नेटकऱ्यांचे मात्र हा व्हिडीओ पाहून चांगलेच मनोरंजन होत आहे. तर “झोपताना दरवाचा लावा नाहीतर असे पाहूणे घरात येतील” अशा मजेशीर कमेंटही अनेकजण या व्हिडीओवर करत आहेत. शिवाय हा व्हिडीओ एकदा पाहिल्यानंतर तो पुन्हा पाहण्यापासून तुम्हीही स्वतःला रोखू शकणार नाही असा विचित्र आणि मजेशीर हल्ला या वानराने केला आहे. तर अनेकांनी हा व्हिडीओ पाहून आम्हाला हसू आवरता आलं नसल्याचंही म्हटलं आहे. तर या व्हायरल होणाऱ्या व्हिडीओमध्ये नक्की काय झालं आहे ते पाहा.

हेही पाहा- गुटख्याची तलफ इतकी? प्रवाशाने विमानाची खिडकी उघडण्याची केली मागणी; Video पाहिल्यानंतर पोट धरून हसाल

झोपलेल्या तरुणावर वानराने केला हल्ला-

व्हायरल होत असलेल्या या व्हिडिओमध्ये एक तरुण खोलीत निवांत झोपलेला दिसत आहे. दरम्यान, घराच्या छतावरून खाली उतरून एक वानर चक्क त्याच्या खोलीत शिरते. खोलीत दुसरे कोणीच नसल्याने हे वानर तरुणाजवळ त्याच्या तोंडावरील चादर ओढत हल्ला करण्याचा प्रयत्न करते, तेवढ्यात तरुण जागा होतो आणि वानराला हाकलण्याचा प्रयत्न करतो. यावेळी तो तरुण जवळच ठेवलेल्या काठीने वानराला पळवून लावण्याचा प्रयत्न करतो. पण ते वानर काही केल्या तेथून जात नाही. शेवटी हा तरुणच रुममधून बाहेर गेल्याचंही व्हिडीओत दिसत आहे.

हेही पाहा- Video: भांडी धुण्यास नकार, शिक्षिकेची विद्यार्थिनीला अमानुष मारहाण, संतापजनक घटना कॅमेऱ्यात कैद

हा व्हायरल होत असलेल्या वानराच्या हल्ल्याचा व्हिडीओ @NarendraNeer007 नावाच्या ट्विटर अकाऊंटवरुन शेअर करण्यात आला आहे. व्हिडीओ शेअर करताना कॅप्शनमध्ये “हसण्यास मनाई आहे, झोपलेल्या व्यक्तीवर वानराने केा हल्ला असं लिहिण्यात आलं आहे.” त्यामुळे आपण झोपत असताना खोलीचे दार लावून झोपायला हवं अन्यथा अशा संकटाला सामोरं जावं लागू शकते.