सोशल मीडियावर असे अनेक व्हिडिओ पाहायला मिळतात जे पाहून हसू आवरता येत नाही. सध्या असाच एक व्हिडिओ सोशल मीडियावर कमालीचा व्हायरल होतोय. जो लोकांना प्रचंड आवडतोय. आपण बऱ्याच प्राण्यांच्या भांडणाचे व्हिडीओ पाहिले असतील पण तुम्ही कधी दोन उंदरांना एकमेकांशी भांडताना पाहिले आहे का? नसेल, तर या व्हायरल व्हिडिओत तुम्हाला दोन उंदरांची लढाई पाहायला मिळेल. तुम्ही मांजर आणि उंदराची लढाई अनेकदा पहिली असेल. पण या दोन उंदरामध्ये रंगलेली लढाई एकदा पाहाच..
या व्हायरल व्हिडीओमध्ये किराणा मालाचे दुकान दिसत आहे. या दुकानाच्या वरच्या रॅकवर दोन उंदीर एकमेकांशी भांडताना दिसत आहेत. यांची ही लढाई खरंच पाहण्यासारखी आहे. एकमेकांवर उड्या मारत ते एकमेकांवर हल्ला करत आहेत. कदाचित दुकानात असलेल्या खाण्यावरून ते एकमेकांशी भिडले असावेत. दोन उंदरांमधील अशी मजेशीर लढाई तुम्ही याआधी कधीही पाहिले नसेल.
उड्या मारत दोन उंदरांचा एकमेकांवर हल्ला…
( हे ही वाचा: पाण्यात सफारीचा आनंद घेत असतानाच अचानक पाणघोडा आला अन…; थक्क करणारा व्हिडीओ होतोय Viral)
दोन उंदरामधल्या या भांडणाचा व्हिडीओ सोशल मीडिया प्लॅटफॉर्म @HasnaZarooriHai नावाच्या अकाउंटवरून शेअर करण्यात आला आहे. हा व्हिडीओ शेअर करत असताना या व्हिडिओला “किराणा मालाच्या दुकानात भांडण” असे कॅप्शन देण्यात आले आहे. हा व्हिडीओ अवघ्या ४५ सेकंदाचा असून अनेकांनी पाहिला आहे. तर शेकडो लोकांनी याला लाईक देखील केलं आहे.
