सर्कसमध्ये कसरती करताना पठ्ठ्याबरोबर घडली हास्यास्पद घटना! VIDEO पाहून तुम्हालाही आठवेल ‘फिर हेरा फेरी’मधला ‘तो’ सीन

तुम्ही ‘हेरा फेरी’ आणि ‘फिर हेरा फेरी’ हे चित्रपट पाहिले असतील. त्यातील ‘फिर हेरा फेरी’ चित्रपटात शेवटी एक सर्कस सीन आहे, ज्यामध्ये हवेत स्टंटबाजी करताना बाबू भैयाचा पायजमा खाली येतो, तो मजेशीर सीन तुम्हाला आठवतोय का? या व्हायरल व्हिडीओमध्येही असेच काहीसे घडले. व्हिडीओत तुम्ही पाहू शकता की, एक कलाकार हवेत चित्तथरारक स्टंट करीत एका टोकावरून दुसऱ्या टोकाला जातो, जिथे एक दुसरा कलाकार उलटा लटकत आहे आणि त्याला या पहिल्या कलाकाराचे पाय धरायचे असतात; पण पायांऐवजी तो त्याचा पायजमा पकडतो आणि त्यामुळे पायांऐवजी त्याचा पायजमा त्याच्या हातांत येतो. पण, पाय हातात न आल्याने तो कलाकार पुन्हा दोरीच्या साह्याने मागे जातो तेव्हा त्याच्या लक्षात येते की, आपला पायजमा गायब आहे. ते पाहून तो गोंधळतो आणि पुढच्याच क्षणी खाली उतरून सरळ बाहेर पळत सुटतो.

हा हास्यास्पद व्हिडीओ @HasnaZaruriHai नावाच्या अकाउंटवरून पोस्ट करण्यात आला आहे. त्याच्या कॅप्शनमध्ये लिहिलेय, ‘गलती से मिस्टेक हो गया’. दरम्यान, हा व्हिडीओ आतापर्यंत लाखो लोकांनी पाहिला, ज्यावर लोकांनीही हसण्याच्या इमोजी शेअर केल्या आहेत.