वेस्ट इंडिजच्या सामान्यादरम्यानच स्टँडवरून बाळ खाली पडलं आणि…; धक्कादायक अपघात कॅमेरात कैद

व्हायरल होणार हा व्हिडीओ पाहिल्यावर तुमच्या काळजातही धस्स होईल. या व्हिडीओमध्ये आपण एक लाहान मूल पाहू शकतो. हे मूल लोखंडी हँडलला लटकलेले दिसत आहे. यानंतर मुलाचा तोल जातो आणि तो खाली पडतो. स्कॉटलँडच्या फलंदाजीच्या दरम्यान १४व्या षटकात ही घटना घडल्याचं सांगण्यात येतंय. मात्र, मुलाच्या प्रकृतीबद्दल अद्याप कोणतीही माहिती मिळालेली नाही. मुलाला वाचवण्यासाठी एक माणूस मागून धावत येतो. पण तोपर्यंत हे मूल खाली पडते. यानंतर तो माणूसही खाली उडी मारतो.

सुनील गावस्कर यांनी बाबर आझमला गिफ्ट केली आपली खास वस्तू; ‘त्या’ प्रायव्हेट डिनर पार्टीचे फोटो Viral

हा व्हिडीओ पाहून सर्वच घाबरले आहेत. तो मुलगा तिथे कसा पोहोचला याबाबत कोणालाही माहिती नाही. या व्हिडीओवर अनेक प्रतिक्रिया येत असून नेटकरी या मुलाच्या तब्येतीसाठी प्रार्थना करत आहेत. मॅचबद्दल बोलायचे झाले तर आयसीसी टी२० विश्व चषकातील हा तिसरा सामना होता. पात्रता फेरीत, स्कॉटलंडने होबार्टमधील आपल्या पहिल्या सामन्यात वेस्ट इंडिजचा ४२ धावांनी पराभव केला.

वेस्ट इंडिजचा कर्णधार निकोलस पूरनने नाणेफेक जिंकून प्रथम गोलंदाजीचा निर्णय घेतला. प्रथम फलंदाजी करताना स्कॉटलंडने २० षटकांत ५ विकेट गमावून १६० धावा केल्या. जॉर्ज मुन्सीने ५३ चेंडूत ६६ धावा केल्या. दरम्यान, वेस्ट इंडिजचा संघ १८.३ षटकांत ११८ धावांमध्येच गारद झाला.