Viral Video : १ मे हा दिवस संपूर्ण महाराष्ट्रात महाराष्ट्र दिवस म्हणून साजरा केला जातो. १ मे १९६० रोजी महाराष्ट्र राज्याची स्थापना झाली. हा दिवस फक्त स्थापना दिवस म्हणून नाही तर आपल्या महाराष्ट्राच्या इतिहास, संस्कृती आणि अस्मितेला स्मरण करणारा दिवस आहे. या दिवशी लोक एकमेकांना शुभेच्छा देतात. सोशल मीडियावर फोटो, व्हिडीओ शेअर करत महाराष्ट्राविषयी प्रेम व्यक्त करतात.
सध्या असाच एक व्हिडीओ समोर आला आहे. या व्हिडीओमध्ये काही तरुण हातात पाटी घेऊन उभे आहे आणि रस्त्यावरून येणाऱ्या जाणाऱ्या लोकांना महाराष्ट्र दिनाच्या हटके शुभेच्छा देत आहे. या पाटीवर त्यांनी एक सुंदर संदेश लिहिला आहे. या संदेशातून महाराष्ट्राविषयी व मराठी भाषेविषयी प्रेम दिसून येते. सध्या हा व्हिडीओ चांगलाच व्हायरल होत आहे.
या व्हायरल व्हिडीओमध्ये तुम्हाला रस्त्यावरील लोक या तरुणांच्या पाटीकडे बघून सहमती दर्शवताना, स्मित हास्य करताना दिसत आहे. काही लोक हात जोडताना दिसत आहे तर काही लोक अगदी बरोबर म्हणत पुढे जात आहे. काही लोक या तरुणाला मिठी मारत तर काही लोक शेक हँड करत आहे. काही लोक महाराष्ट्र दिनाच्या हार्दिक शुभेच्छा देताना दिसत आहे. काही लोक या पाटीचे फोटो काढताना दिसत आहे. आता तुम्हाला प्रश्न पडला असेल की या तरुणांनी या पाटीवर लिहिले तरी काय?
या तरुणांनी या पाटीवर सुंदर संदेश लिहिला आहे. त्यांनी लिहिलेय, “अर्धा देश महाराष्ट्रात येऊन पोट भरत असेन तर आपल्याला हिंदी शिकण्याची गरज नाही तर देशाला मराठी शिकण्याची गरज आहे. महाराष्ट्र दिनाच्या हार्दिक शुभेच्छा!”
पाहा व्हिडीओ
posterwala_ganyaa या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “जय जय महाराष्ट्र माझा… गर्जा महाराष्ट्र माझा..” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, ” जय महाराष्ट्र, जय शिवराय ,जय शंभूराजे जय महाराष्ट्र, माझा महाराष्ट्र जय महाराष्ट्र” तर एका युजरने लिहिलेय, “जगात भारी आमची मराठी” आणखी एका युजरने लिहिलेय, “आम्हाला अभिमान आहे, महाराष्ट्रीय असल्याचा, आम्हाला गर्व आहे मराठी भाषेचा, आम्ही जपतो आमची संस्कृती, आमची निष्ठा, महाराष्ट्र दिनाच्या मनापासून शुभेच्छा.. जय महाराष्ट्र..” अनेक युजर्सनी महाराष्ट्र दिनाच्या शुभेच्छा दिल्या आहेत. काही युजर्सनी या व्हिडीओवर हार्टचे इमोजी शेअर केले आहेत.
