Video Shows elderly woman drives an auto at night to earn a living : आपल्यातील अनेक जण शिक्षण पूर्ण झाल्यानंतर, चांगली नोकरी मिळेल आणि घरची परिस्थिती बदलेल अशा दिशेने भविष्याची वाटचाल करतात. मात्र काही जण शिक्षणानंतर नोकरी करत नाहीत आणि घरात कोणी कमावणारे नसल्यामुळे मग अशावेळी कुटुंबातील इतर सदस्यांना उदरनिर्वाहासाठी घराबाहेर पडावे लागते. तर अशीच एक गोष्ट आज सोशल मीडियावर व्हायरल होत आहे. आपला मुलगा नोकरी करत नसल्यामुळे उदरनिर्वाहासाठी एक महिला रात्री रिक्षा चालवण्याचे काम करते आहे.
कन्टेंट क्रिएटर आयुष गोस्वामी रिक्षातून प्रवास करत होता. रात्री १२ वाजता एक महिला रिक्षा चालवते आहे हे पाहून त्याला थोडं आश्चर्यच वाटले. म्हणून तो महिलेला प्रश्न विचारण्यास सुरुवात करतो.त्यांच्या संवादातून असे लक्षात येत आहे की. ५५ वर्षीय महिलेला एक मुलगा आहे. पण, तो मुलगा नोकरी करत नसल्यामुळे तिला घराबाहेर पडावे लागते आहे. मुलगा आईकडे पैसे मागतो आणि पैसे दिले नाही की भांडण सुद्धा करतो. त्यामुळे मुलाच्या स्वभावाला कंटाळून त्या घराबाहेर पडतात आणि उदरनिर्वाहासाठी संध्याकाळी रिक्षा चालवतात. व्हायरल व्हिडीओतून ( Video) तुम्हीसुद्धा ऐका ही गोष्ट…
व्हिडीओ नक्की बघा…
भीक मागण्यापेक्षा काम करणं जास्त चांगलं :
व्हायरल व्हिडीओत ( Video) तुम्ही पाहिलं असेल की, प्रवासी आयुष गोस्वामी यांनी काही प्रश्न विचारल्यावर महिला तिची दिनचर्या सांगण्यात सुरुवात करते. घरातील सगळी काम आवरून ती संध्याकाळी घराबाहेर पडते आणि रात्री १:३० ला घरी जाते. तिचा मुलगा २ वर्षाचा असताना तिच्या नवऱ्याचे निधन झाले. पण, मुलगा नोकरी करत नसल्यामुळे, तिच्याशी नीट वागत नसल्यामुळे तिने कंटाळवून उदरनिर्वाहासाठी हा मार्ग निवडावा लागला. तसेच ‘भीक मागण्यापेक्षा काम करणं जास्त चांगलं आहे’ असे महिलेचे म्हणणे आहे.
सोशल मीडियावर हा व्हिडीओ ( Video) कन्टेंट क्रिएटर आयुष गोस्वामी यांच्या @aapkartekyaho या इन्स्टाग्राम अकाउंटवरून शेअर करण्यात आला आहे. व्हिडीओ पाहून अनेक युजर्सनी महिलेच्या मुलाची निंदा केली आणि सांगितले की जीवनातील आव्हानांना तोंड कसं द्यायचे याची प्रेरणा या आईकडून घ्यावी. तसेच काही युजर्स देव तुमचे भलं करो ; आदी कमेंट देखील करताना दिसून आले.एकूणच आईची ही गोष्ट ऐकून तुमचेही डोळे पाणावतील.
