Video Shows Tiger Playful Response To Toddler : वाघाचे नाव ऐकताच आपल्यातील अनेकांचा थरकाप उडतो. तो अचानक समोर आला, तर भीतीने बोलणेही बंद होते. पण, त्याला प्राणिसंग्रहालयात जाऊन पाहण्याचीसुद्धा तेवढीच उत्सुकता असते. तर आज असाच एक व्हिडीओ व्हायरल होत आहे. त्यामध्ये एका चिमुकल्याने प्राणिसंग्रहालयाला भेट दिली आहे. यादरम्यान वाघाचे थरकाप उडवणारे नाही, तर अगदी प्रेमळ रूप पाहायला मिळाले आहे.
व्हायरल व्हिडीओ ( Video) चीनचा आहे. आपल्या कुटुंबाबरोबर प्राणिसंग्रहालयात एक चिमुकला गेलेला दिसतो आहे. एका काचेच्या बंद खोक्यात वाघाला ठेवलेले असते. चिमुकला त्या बॉक्सजवळ जाऊन उभा राहतो आणि हाताच्या पंजाने काच ओरबाडण्याचे नाटक करू लागतो. चिमुकल्याला असे करताना पाहून वाघ चालत थोडा पुढे जातो, परत मागे येतो आणि हुबेहूब चिमुकल्याची नक्कल करण्यास सुरुवात करतो. वाघाने चिमुकल्याची केलेली नक्कल व्हायरल व्हिडीओतून तुम्हीसुद्धा बघा…
व्हिडीओ नक्की बघा…
वाघाची चिमुकल्याबरोबर मस्ती :
व्हायरल व्हिडीओत ( Video) तुम्ही पाहिलं असेल की, चिमुकला हाताच्या पंजांनी काचेवर ओरबाडण्यास सुरुवात करतो. हे पाहून वाघसुद्धा तसेच करू लागतो आणि दोघांमध्ये हाताच्या पंजांचा हा अनोखा खेळ रंगतो. दोघेही एकमेकांबरोबर बराच वेळ हा खेळ खेळू लागतात आणि थरकाप उडवणाऱ्या वाघाचे हे खेळकर रूप पाहायला मिळते. वाघाला आपली नक्कल करताना पाहून चिमुकलासुद्धा खूश होतो. तसेच चिमुकल्याची आई त्यांच्यातील त्या गोंडस क्षणाचा व्हिडीओ मोबाईलमध्ये रेकॉर्ड करून घेताना दिसते.
सोशल मीडियावर हा व्हिडीओ ( Video) @TheFigen_ या इन्स्टाग्राम अकाउंटवरून शेअर करण्यात आला आहे. ‘हाताच्या पंजांची लढाई’, अशी कॅप्शन त्यांनी व्हिडीओला दिली आहे. वाघाचे हे अनोखे रूप पाहून नेटकरीसुद्धा थक्क झाले आहेत. वाघाला खेळताना पाहून अनेक युजर्सनी त्या दोघांचे विविध शब्दांत कौतुक केले आहे. एका युजरने कमेंट केली आहे, “मला जवळजवळ विश्वासच बसत नाही आहे की वाघ खेळत आहे.” दुसरा म्हणत आहे, “हे खूपच गोंडस आहे.” तिसरा म्हणतोय, “वाघ व चिमुकला यांच्यातील मनमोहक खेळ खूपच सुंदर आहे.” अशा स्वरूपाच्या अनेक कमेंट्स व्हिडीओखाली दिसत आहेत.
