“काळ्या काळ्या मातीत झुलणाऱ्या शेतात बहरून आले जणू” आजीनं नववारी नेसून खोल तळ्यात मारला सूर; VIDEO पाहून व्हाल अवाक्

या व्हिडीओमध्ये तुम्ही पाहू शकता, साधं लुगडं नेसून एक आजी तळ्याच्या काठाशी उभ्या आहेत, डोक्यावर पदर जागच्या जागी अडून बसलाय, मागून कुणीतरी त्यांना आई मारणार का उडी असं काहीसं म्हणत विचारतं आणि चक्क या आजी नितळ पाण्यात सूर मारतात. हात पाय मारत आपली पापणी लवण्याच्या आधीच या आजीबाई तळ्याच्या मध्यापर्यंत पोहोचतात. व्हिडिओमध्ये दिसणाऱ्या तळ्याचं पाणी इतकं नितळ आहे की वरून पाहताना तळं बऱ्यापैकी खोल असणार हा अंदाज येतो.

“काळ्या काळ्या मातीत झुलणाऱ्या शेतात बहरून आले जणू”

या व्हिडीओ “काळ्या काळ्या मातीत झुलणाऱ्या शेतात बहरून आले जणू” हे जुनं गाणं लावलं आहे, त्यामुळे आजीचा हा व्हिडीओ पाहून अनेकांना जुनी माणसं, जुने दिवस आठवले. आजीचा उत्साह हा तरुणाईला लाजवेल असा आहे. उत्साहाला कशाचेच बंधन नसते, अगदी वयाचेही नाही; याचाच प्रत्यय सध्या व्हायरल होणाऱ्या या व्हिडीओतून येत आहे. हा व्हिडीओ पाहून तुम्हीही थक्क व्हाल.

पाहा व्हिडीओ

हेही वाचा >> अरे रे! फुकट तिथे प्रकट; तळीरामांनी पोलिसांसमोरच दारूवर मारला डल्ला, VIDEO पाहून पोट धरुन हसाल

हा व्हिडीओ नेमका कुठला आहे, याबाबात माहिती मिळू शकलेली नाही. मात्र हा व्हिडीओ सोशल मीडियावर marathi_reels_90 नावाच्या इन्स्टाग्राम अकाऊंटवरुन शेअर केला असून तो आता तुफान व्हायरल होत आहे. लोक या व्हिडीओला आवडीने पाहत असून लाईक आणि शेअर करत आहेत. आतापर्यंत या व्हिडीओला एकूण लाखो नेटकऱ्यांनी पाहिले आहे. तर अनेकांनी या वयातही अशा प्रकारे हिमंत केल्यामुळे आम्हाला आजीच्या एनर्जीचं कौतुक वाटत असल्याचं म्हटलं आहे. एका युजरने म्हंटलंय,“आजी जोमात” अशी कमेंट केली आहे. आता तुम्हाला या आजींच्या टॅलेंटविषयी काय म्हणायचंय कमेंट करून नक्की कळवा.