एक नंबर तुझी कंबर गाण्यावर ‘असा’ डान्स तुम्ही कधी पहिलाच नसेल; भन्नाट कोरिओग्राफीचा VIDEO व्हायरल

गुलाबी साडीनंतर संजू राठोडचं ‘एक नंबर तुझी कंबर’ हे गाणे बऱ्याच दिवसांपासून सोशल मीडियावर धुमाकूळ घालते आहे. या गाण्याला सगळ्यांनीच खूप चांगला प्रतिसाद दिला आहे. तर आता नर्तिका आणि नृत्यदिग्दर्शिका अनुराधा अय्यंगार यांनी इन्स्टाग्रामवर शेअर केलेल्या या व्हिडीओमध्ये भरतनाट्यम ग्रुपमधील सहा महिलांनी एक अनोखा डान्स सादर केला आहे. ज्यामध्ये भरतनाट्यमचे उत्तम सादरीकरण आणि फ्रीस्टाइल डान्स स्टेप्सचे उत्तम मिश्रण सादर करण्यात आले आहे.

एक वेगळी कोरिओग्राफी पाहून आनंद झाला (Viral Video)

एक नंबर तुझी कंबर गाण्यावर भरतनाट्यम ग्रुपचा डान्स व्हायरल होताना दिसतो आहे. डान्स करताना त्यांचा आनंद, भरतनाट्यमची अनोखी जोड, शाहरुख खानची आयकॉनिक पोझ अगदी बघण्याजोगा आहे. पारंपरिक आणि वेस्टर्न डान्स स्टाईल अगदी व्यवस्थितपणे डान्समध्ये बसवल्या आहेत; जे पाहून नृत्यदिग्दर्शकाचे सुद्धा कौतुक होत आहे.तर ‘एक नंबर तुझी कंबर’ गाण्याला दिलेला भरतनाट्यमचा पारंपरिक टच एकदा व्हायरल व्हिडीओतून तुम्ही सुद्धा नक्की बघा…

व्हिडीओ नक्की बघा…

‘एक नंबर तुझी कंबर गाणे आमच्या स्टाईलमध्ये’ अशी कॅप्शन देऊन हा व्हिडीओ सोशल मीडियावर @anu_iyengar या इन्स्टाग्राम अकाउंटवरून शेअर करण्यात आला आहे. नेटकरी सुद्धा हा व्हिडीओ पाहून प्रेमात पडले आहेत आणि “सगळं खूप छान आहे. पण, अनु मॅडमने शाहरुख खानची पोज दिली हे सर्वात स्पेशल आहे”, “या गाण्यावर एक वेगळी कोरिओग्राफी पाहून आनंद झाला”, “खूप भारी”, “मी हा व्हिडीओ पुन्हा पुन्हा बघितला” ; आदी कमेंट्स नेटकऱ्यांनी केल्या आहेत.