Viral Video: लहान मुलांचे अनेक व्हिडीओ सतत सोशल मीडियावर व्हायरल होत असतात. हल्लीची ही मुलं सोशल मीडियावरील बदलत्या ट्रेंडनुसार वागताना, बोलताना दिसतात. सोशल मीडियाप्रती मुलांमध्ये खूप उत्सुकता आणि आकर्षण आहे, सध्या सुंदर डान्स करणाऱ्या चिमुकलीचा एक डान्स व्हिडीओ तुफान व्हायरल होतोय, जो पाहून नेटकरी तिच्या डान्सचे कौतुक करताना दिसत आहेत. या व्हिडीओतील चिमुकली ‘खेतों में तू आई नहीं’ गाण्यावर डान्स करताना दिसत आहे.
डान्स, संगीत, अभिनय यांसारख्या कला क्षेत्रात आपलं नाव मोठं करण्यासाठी खूप मेहनत घ्यावी लागते. सोशल मीडियावर लाखो युजर्स अशा विविध कला सादर करत असतात, ज्यातील काही मोजकेच लोक लोकप्रिय होतात. ह्या कला सादर करणाऱ्यांमध्ये अगदी लहानांपासून वृद्धापर्यंत प्रत्येक वयोगटातील लोकांचा समावेश असतो. सध्या सोशल मीडियावर जबरदस्त डान्समुळे सतत चर्चेत असलेल्या चिमुकलीचा एक नवा व्हिडीओ व्हायरल होत आहे, ज्यामध्ये ती खूप भन्नाट डान्स करताना दिसतेय.
या व्हायरल व्हिडीओमध्ये तुम्ही पाहू शकता, एक चिमुकली बॉलीवूडमधील नुकत्याच प्रदर्शित झालेल्या ‘स्त्री २’ चित्रपटातील ‘खेतों में तू आई नहीं’ या गाण्यावर जबरदस्त डान्स करताना दिसतेय. यावेळी तिच्या चेहऱ्यावरचे एक्स्प्रेशन्स आणि डान्स स्टेप्स अनेकांचे लक्ष वेधून घेत आहेत. वयाने लहान असली तरीही ही चिमुकली एखाद्या अभिनेत्रीलाही मागे टाकेल इतका सुंदर डान्स करताना दिसत आहे. तिचा हा व्हिडीओ सोशल मीडियावर खूप व्हायरल होत आहे.
पाहा व्हिडीओ:
हा व्हायरल व्हिडीओ इन्स्टाग्रामवरील @barkat.arora या अकाउंटवर शेअर करण्यात आला असून यावर आतापर्यंत जवळपास तीन मिलियनहून अधिक व्ह्यूज आणि दोन लाखांहून अधिक लाइक्स मिळाल्या आहेत. तसेच अनेक युजर्स यावर कमेंट्स करताना दिसत आहेत. त्यातील एका युजरने कमेंटमध्ये लिहिलंय की, “किती सुंदर नाचते.” तर दुसऱ्या युजरने लिहिलंय की, “खूप कडक डान्स.” तर तिसऱ्याने लिहिलंय की, “काय एक्स्प्रेशन्स आहेत.” तर आणखी अनेक युजर्स चिमुकलीचे कौतुक करताना दिसत आहेत.
