Viral Video Today: शेवटी ती स्त्री आहे आणि ती कोणत्याही वयात काहीही करू शकते. आयुष्यभर जबाबदाऱ्यांचं ओझं वाहणाऱ्या जीवाला कुठेतरी आपल्या चार मैत्रिणींमध्ये मोकळं व्हायची संधी मिळते. कधी रडून, कधी तक्रारी करून तर कधी पार नाचून आपला जीव हलका करण्यासाठी या बायका कदाचित ही संधी शोधतच असतात. एकदा अशी संधी मिळाली की मग तिचं कसं सोनं करायचं ते या महिलांना सांगायलाच नको. आपण झी मराठी वरील होम मिनिस्टर या कार्यक्रमात अशाच गंमती करणाऱ्या अनेक महिला पाहिल्या असतील. गृहिणींना सगळं काही विसरायला लावणाऱ्या या शोचं अगदी अनेक सार्वजनिक ठिकाणीही आयोजन केलं जातं, अशाच एका होम मिनिस्टर कार्यक्रमातील एक व्हिडीओ सध्या सोशल मीडियावर व्हायरल होत आहे.
न्यू होम मिनिस्टर या इंस्टाग्राम आकुतवरून शेअर करण्यात आलेल्या या व्हिडीओची सोशल मीडियावर चांगलीच चर्चा आहे. यामध्ये सूत्रसंचालकाने एका रॅम्प वॉक टास्कचे आयोजन केलेले दिसत आहे. याच कार्यक्रमात एका नऊवारी नेसलेल्या आजींनी सहभाग घेतला होता. गाणं वाजताच या आजींनी असा काही वॉक केला की रॅम्पला कळत असतं तर तो ही खुश होऊन टाळ्या वाजवू लागला असता. या आजींनी स्टेजच्या शेवटी येऊन अशी काही पोझ दिली की जी बघून प्रेक्षकांसह सोशल मीडियावरील युजर्सची खूप खुश झाले आहेत.
होम मिनिस्टरमध्ये आजींचा रॅम्प वॉक
Video: मी मिरवणार, सगळ्यांची… ! भररस्त्यात नाचत होती ‘ही’ बाई; चेहऱ्याचा ‘तो’ भाव बघून नेटकरी फिदा
अवघ्या काही सेकंदाचा हा व्हिडीओ नेटकऱ्यांना प्रचंड आवडला आहे यावर हजारो हजारो व्ह्यूज व लाईक्स आहेत, कमेंटमध्येही नेटकऱ्यांनी आजींच्या आत्मविश्वासाची दाद दिली आहे. या कार्यक्रमात नक्की कोण जिंकलं याबद्दल काही माहिती नसली तरी या आजींनी लाखो मनं नक्कीच जिंकली आहेत.
