Viral Video: सोशल मीडियावर प्राण्यांचे अनेक व्हिडीओ आपल्या कल्पनाशक्तीच्या पलीकडचे असतात. कारण यामध्ये कधी दोन शत्रू प्राणी एकमेकांबरोबर खेळताना दिसतात, तर अनेकदा दोन मित्र प्राणी एकमेकांवर हल्ला करताना दिसतात. सध्या असाच एक व्हिडीओ सोशल मीडियावर व्हायरल होत आहे. हा व्हिडीओ सिंहाने बिबट्यावर केलेल्या हल्ल्याचा आहे.
सोशल मीडियावरील जंगलातील प्राण्यांचे अनेक व्हिडीओ सतत व्हायरल होत असतात. जंगलातील प्राण्यांबाबतीतल्या अनेक गोष्टी पाहण्यासाठी युजर्सही नेहमीच उत्सुक असतात. आतापर्यंत तुम्ही अनेक व्हिडीओंमध्ये वाघ, बिबट्या, सिंह किंवा चित्ता या हिंस्र प्राण्यांना नेहमीच इतर प्राण्यांची शिकार करताना पाहिले असेल. प्राण्यांची शिकार करण्यासाठी या हिंस्र प्राण्यांना अनेक प्रयत्न करावे लागतात. अगदी त्या आपली शिकार शोधण्यापासून ते ती शिकार मिळवण्यापर्यंत हे हिंस्र प्राणी खूप मेहनत घेतात. बऱ्याचदा त्यांच्या प्रयत्नांना यश मिळत नाही, तर अनेकदा ते यशस्वी होतात; परंतु तुम्ही कधी एखादा सिंह बिबट्यावर हल्ला करत असल्याचे पाहिलं आहे का? असे व्हिडीओ क्वचित आपल्याला पाहायला मिळतात. आतादेखील असाच एक व्हिडीओ व्हायरल होतोय.
या व्हायरल व्हिडीओमध्ये तुम्ही पाहू शकता, जंगलामध्ये सिंह शिकारीच्या शोधात असून यावेळी त्याची नजर एका बिबट्यावर पडते. बिबट्यावर हल्ला करण्यासाठी सिंह मुद्दाम लपून बसतो आणि त्याच्यावर हल्ला करण्यासाठी योग्य वेळेची वाट पाहतो. इतक्यात बिबट्याचा सिंहाची चाहूल लागते त्यामुळे तो तिथून पळ काढतो. सिंह देखील बिबट्याच्या मागे धावतो परंतु बिबट्या दूर पळून गेल्याने तो सिंहाच्या तावडीत सापडत नाही.
पाहा व्हिडीओ:
हा व्हिडीओ युट्यूबवरील @FastPiggy या अकाउंटवरून शेअर करण्यात आला आहे. त्यावर आतापर्यंत मिलियन्समध्ये व्ह्युज आणि लाखो लाइक्स मिळाल्या आहेत. तसेच यावर अनेक जण कमेंट्स करताना देखील दिसत आहेत. या व्हिडीओवर कमेंट करीत एका युजरनं लिहिलंय, “बिबट्या खूपच चपळ आहे.” दुसऱ्या युजरनं लिहिलंय, “सिंह खूप शातीर आहे.” आणखी एकानं लिहिलंय, “थरारक व्हिडीओ.” आणखी एकानं लिहिलंय, “बिबट्या सिंहापेक्षा हुशार आहे.”
