पाळीव असला तरीही तो सिंहच…! जंगलाच्या राजाशी मस्करी करणं अंगलट, साखळी घालायला गेला अन्…

हेही पाहा- Video: काळ आला होता, पण…! काही क्षणाचा विलंब अन् दोघेही झाले असते वाघाची शिकार

मात्र, प्राण्यांना कितीही प्रशिक्षण दिले तरी त्यांच्यात असणारा मुळचा जंगली आणि हिंस्र स्वभाव कधीच संपू शकत नाही. त्यामुळे असे प्राणी पाळण्याचं भलतं धाडसं करण्यामुळे अनेकांना आपले प्राण गमवावे लागल्याच्या अनेक घटना यापुर्वी घडल्या आहेत. हे पाळीव प्राणी अनेकदा आपल्या मालकावर हल्ला केल्याचे व्हिडीओदेखील इंटरनेटवर पाहायला मिळतात. सध्या असाच एक व्हिडिओ सोशल मीडियावर व्हायरल होत असून तो पाहून अनेकजण आश्चर्यचकित झाले आहेत.

हेही पाहा- व्हिडीओ शूट करताना ड्रोनच्या आवाजाने भडकली मगर अन् घडलं भलतंच; पाहा Viral video

व्हायरल होत असलेला व्हिडिओ सोशल मीडियावर earth.reel नावाच्या इंस्टाग्राम अकाउंटवरुन शेअर करण्यात आला आहे. व्हिडीओमध्ये एक माणूस सिंहाच्या गळ्यात साखळी बांधून त्याला मिठी मारण्याचा प्रयत्न करताना दिसत आहे. मात्र, या व्यक्तीचे हे कृत्य सिंहाला आवडल्याचं दिसतं नाही. त्यामुळे सिंह रागवतो आणि त्या माणसावर हल्ला करतो. सिंहाने हल्ला करताच साखळी बाधण्याचा प्रयत्न करणारा व्यक्ती जीव वाचवण्यासाठी भीतीने पळून जाताना व्हिडीओमध्ये दिसतं आहे.

‘सिंहाला पाळणं म्हणजे जीव धोक्यात घालणं’ –

दरम्यान, या व्हिडीओमध्ये आणखी एक व्यक्ती दिसत असून तो त्या सिंहाला साखळी बांधण्याचा प्रयत्न करणाऱ्या व्यक्तीला मदत करताना दिसत आहे. शिवाय पाळीव सिंह असल्याने तो काही वेळाने सिंह शांत झाल्याचंही दिसत आहे. मात्र, सिंह हा सिंह असतो तो कधीही हल्ला करु शकतो त्यामुळे त्याच्यापासून सावध रहायला हवं अशा कमेंट नेटकरी करत आहेत. तसंच सिंहाला पाळीव प्राणी बनवून त्याच्याशी खेळणे म्हणजे जीव धोक्यात घालण्यासारख असल्याचंही नेटकरी म्हणत आहेत.