Viral Video: हल्ली सोशल मीडियामुळे अनेक कलाकार नव्याने घडू लागले आहेत. अगदी लहान मुलांपासून ते वयोवृद्धांपर्यंत अनेक जण रील्सद्वारे आपली कला सादर करताना दिसतात. कधी डान्स तर कधी गाणी, अभिनय अशा विविध गोष्टी हौशी कलाकार शेअर करतात. यातील काहींचे व्हिडीओ इतके व्हायरल होतात की ज्यामुळे त्यातील कलाकारांचं संपूर्ण आयुष्य बदलून जातं. दरम्यान, आता एका महिलेचा तिच्या लहान मुलाबरोबरचा डान्स खूप व्हायरल होतोय, जो पाहून नेटकरीही कौतुक करताना दिसत आहेत.
सामान्य कुटुंबातील महिलांच्या आयुष्यातील बराच वेळ त्यांचं कुटुंब, मुलं, नोकरी, घराची जबाबदारी या सगळ्या गोष्टींभोवती फिरत असतो. यापलीकडे जाऊन त्यांना त्यांचा स्वतःचा वेळ फार कमी मिळतो. पण, त्यातूनही काही हौशी महिला एखाद्या कार्यक्रमात किंवा घरातच डान्स करून आपली आवड पूर्ण करतात. या व्हायरल व्हिडीओमध्ये अशाच एका महिलेचा डान्स खूप व्हायरल होतोय.
या व्हिडीओतील महिला “तुझा कृष्ण मुरारी माझी छेड काढतो..” या सोशल मीडियावर मागील काही महिन्यांपासून चर्चेत असलेल्या गाण्यावर डान्स करताना दिसत आहे. यावेळी गाण्याच्या सुरुवातीला महिला सुंदर एक्स्प्रेशन्ससह नाचायला सुरुवात करते. यावेळी त्या महिलेचा लहान मुलगा तिचा पदर ओढताना दिसत आहे. त्यानंतर पुढे तोदेखील त्याच्या आईबरोबर ठेका धरतो. सध्या माय-लेकाचा हा व्हिडीओ खूप व्हायरल होत आहे
हा व्हिडीओ इन्स्टाग्रामवरील @shivani_kale_gs या अकाउंटवर शेअर करण्यात आला असून यावर आतापर्यंत पाच मिलियनहून अधिक व्ह्युज मिळाल्या असून यावर दोन लाखांहून अधिक लाइक्स मिळाल्या आहेत. तसेच यावर अनेक युजर्स कमेंट्स करताना दिसत आहेत.
पाहा व्हिडीओ:
एका युजरने लिहिलंय की, “Wow ताई, खूप खूप छान”, तर दुसऱ्या युजरने लिहिलंय की, “कृष्णा मुरारी आवडला आपल्याला”, तर तिसऱ्या युजरने लिहिलंय की, “तुमच्या निरागसतेला लाईक”, तर आणखी एकाने लिहिलंय की, “एक नबंर ताई… तू गौतमी पाटीलपेक्षा सुंदर नाचली.”
