‘हीच तर संस्कृती…’ डॉक्टर बाळ घेऊन येताच आजी-आजोबांनी धरले पाय अन्…; VIRAL VIDEO चा शेवट जिंकेल तुमचं मन

व्हायरल व्हिडीओ (Viral Video) हॉस्पिटलमधील आहे. बाळ नुकतंच जन्माला आलेलं असतं. यादरम्यान एक अज्ञात व्यक्ती व्हिडीओ काढत असते. डॉक्टर बाळ हातात घेऊन कुटुंबातील सदस्यांकडे येते. कुटुंबातील सदस्य बाळाला पाहण्यासाठी धाव घेतात, काही जण फोटो काढू लागतात. मात्र, आजी-आजोबा आपल्या नातवाला पाहून खूश होतात आणि डॉक्टरच्या पाया पडतात. त्यानंतर आणखीन एक अशी गोष्ट करतात, जे पाहून तुमचेही डोळे नक्कीच पाणावतील. नक्की काय घडलं व्हायरल व्हिडीओत तुम्हीसुद्धा बघा.

हेही वाचा…बापरे! चहा विक्रेत्याची एका महिन्याची कमाई ऐकली तर नोकरी सोडून द्याल; VIRAL VIDEO बघून बसेल धक्का

व्हिडीओ नक्की बघा…

जुन्या पिढीने आनंदाचे क्षण डोळ्यांत टिपले…

व्हायरल व्हिडीओत (Viral Video) तुम्ही पाहिलं असेल की, डॉक्टर बाळ घेऊन येत असते. तितक्यात आजी-आजोबा समोरून येतात आणि डॉक्टरच्या पाया पडतात. त्यानंतर आजोबा त्यांच्या छोट्याश्या पिशवीतून ५०० रुपयांची नोट काढतात आणि डॉक्टरला देतात. डॉक्टर सुरुवातीला पैसे घेण्यास नकार देते. मात्र आजोबांच्या आग्रहाखातर ती नंतर पैसे घेते. हे फक्त गावाकडची लोकच करू शकतात, असा मजकूरही व्हिडीओवर लिहिण्यात आला आहे. त्याचप्रमाणे आजी-आजोबांचा साधेभोळेपणा तुमचेही मन नक्कीच जिंकेल.

सोशल मीडियावर हा व्हिडीओ (Viral Video) @lay_bhari_official या इन्स्टाग्राम अकाउंटवरून शेअर करण्यात आला आहे. तसेच ‘बाळाची डिलिव्हरी करणाऱ्या डॉक्टरला आजी-आजोबांनी दिलेल्या ५०० रुपयांची किंमत लाखमोलाची आहे’; अशी कॅप्शन देण्यात आली आहे. एका युजरने कमेंट केली आहे की, ‘हीच तर संस्कृती हवी’, तर दुसरा म्हणतोय की, ‘आजपर्यंत बघितलेला सर्वात छान व्हिडीओ’, तर तिसरा म्हणतोय की, ‘जुन्या पिढीने आनंदाचे क्षण डोळ्यांत टिपले, तर नवीन पिढीने आनंदाचे क्षण मोबाइलमध्ये’ आदी अनेक कमेंट नेटकऱ्यांनी केल्या आहेत.