‘एक नंबर तुझी कंबर’, गाण्यावर चिमुकल्यांचा भन्नाट डान्स; VIDEO पाहून नेटकरी करतायत कौतुक

हल्लीच्या अनेक लहान मुलांमध्येही सोशल मीडियाप्रति खूप आकर्षण आहे. नवनवीन गाणी, चित्रपट आणि त्यातील डायलॉग्ज मुलांना तोंडपाठ असतात. हल्लीची ही मुलं सोशल मीडियावरील बदलत्या ट्रेंडनुसार वागताना, बोलताना दिसतात. मोठ्यांप्रमाणेच लहान मुलंदेखील सोशल मीडियाच्या माध्यमातून आपली कला सादर करताना दिसतात. आतापर्यंत आपण अनेक व्हायरल व्हिडीओ पाहिले आहेत. दरम्यान, आता अशाच गोड मुलींचा एक व्हिडीओ व्हायरल होतोय, जो खूप चर्चेत आला आहे.

या व्हायरल व्हिडीओमध्ये तुम्ही पाहू शकता की, दोन चिमुकल्या त्यांच्या घरामध्ये ‘एक नंबर तुझी कंबर’ या गाण्यावर डान्स करीत आहेत. यावेळी त्यांच्या डान्स स्टेप्स आणि चेहऱ्यावरील एक्स्प्रेशन्स पाहून नेटकरीही त्यांचं कौतुक करीत आहेत. हा व्हिडीओ सध्या सोशल मीडियावर खूप व्हायरल होत आहे.

पाहा व्हिडीओ:

हा व्हिडीओ इन्स्टाग्रामवरील @advik.arnav_twinbros या अकाउंटवरून शेअर करण्यात आला आहे. त्यावर आतापर्यंत अनेक व्ह्युज आणि लाइक्स मिळाल्या आहेत. अनेक युजर्स कमेंट्सही करीत आहेत. एकानं लिहिलंय, “व्वा! सुंदर डान्स.” आणखी एकानं लिहिलंय, “मुलं खूप हुशार आहेत.”