Viral Video: हल्ली सोशल मीडियामुळे अनेक कलाकार नव्याने घडू लागले आहेत. अगदी लहान मुलांपासून ते वयोवृद्धांपर्यंत अनेक जण रील्सद्वारे आपली कला सादर करताना दिसतात. कधी डान्स, तर कधी गाणी, अभिनय अशा विविध गोष्टी हौशी कलाकार शेअर करीत असतात. त्यातील काहींचे व्हिडीओ इतके व्हायरल होतात की, ज्यामुळे त्यातील कलाकारांचं संपूर्ण आयुष्य बदलून जातं. दरम्यान, आता एका चिमुकलीचा डान्स खूप व्हायरल होतोय, जो पाहून नेटकरीही कौतुक करताना दिसत आहेत.
काही महिन्यांपासून सोशल मीडियावर ‘एक नंबर तुझी कंबर’,‘उई अम्मा’ अशी अनेक भारतीय गाणी प्रचंड लोकप्रिय झाली. या गाण्यांवर अनेकांनी रील्स बनवल्या असून, सोशल मीडियावर अनेकांना या गाण्यांचे वेड लागले आहे. तसेच अनेकदा सोशल मीडियावर काही जुनी गाणीदेखील खूप चर्चेत येतात. दरम्यान, सध्या व्हायरल होत असलेल्या व्हिडीओतील चिमुकली ‘साजन घर आजा’ हे नवीन गाणं चर्चेत आलं आहे.
या व्हायरल व्हिडीओमध्ये तुम्ही पाहू शकता, एक चिमुकली लाल रंगाचा सुंदर ड्रेस घालून ‘साजन घर आजा’ या गाण्यावर डान्स करताना दिसतेय. यावेळी चिमुकलीच्या चेहऱ्यावरील गोड हावभाव आणि हटके डान्स स्टेप्स पाहून तुम्हीही तिचं कौतुक कराल.
पाहा व्हिडीओ:
हा व्हायरल व्हिडीओ इन्टाग्रामवरील @samairathapa.official या अकाउन्टवर शेअर करण्यात आला असून यावर आतापर्यंत दोन लाखाहून अधिक व्ह्यूज आणि हजारो लाइक्स मिळाल्या आहेत. तसेच अनेकजण या व्हिडीओवर कमेंट्स करताना दिसत आहेत. एकाने लिहिलंय की, “व्वा किती क्यूट आहे ही” तर दुसऱ्याने लिहिलंय की, “यालाच बोलतात डान्स”, तर आणखी एकाने लिहिलंय की, “एक नंबर नाचली ही”
