Viral Video: हल्लीची ही मुलं सोशल मीडियावरील बदलत्या ट्रेंडनुसार वागताना, बोलताना दिसतात. सोशल मीडियाप्रति मुलांमध्ये खूप उत्सुकता आणि आकर्षण आहे. मोठ्यांप्रमाणेच लहान मुलंदेखील सोशल मीडियाच्या माध्यमातून आपली कला सादर करताना दिसतात. आतापर्यंत आपण अनेक व्हायरल व्हिडीओ पाहिले आहेत. दरम्यान, आता अशाच एका गोड चिमुकलीचा व्हिडीओ व्हायरल होतोय, जो खूप चर्चेत आला आहे.
सोशल मीडियावर कधी कुठलं गाणं मोठ्या प्रमाणात चर्चेत येईल, हे सांगता येत नाही. या चर्चेत असलेल्या गाण्यांवर प्रत्येक वयोगटातील लोक, मोठमोठे कलाकारही ठेका धरताना दिसतात. हल्ली गणपतीमुळे ‘अशी चिक मोत्याची माळ’ हे गाणं खूप चर्चेत आहे. या गाण्यावर एक चिमुकली डान्स करताना दिसत आहे.
या व्हिडीओमध्ये तुम्ही पाहू शकता, एक चिमुकली ‘अशी चिक मोत्याची माळ’ या गाण्यावर सुंदर डान्स करताना दिसतेय. तिचा हा डान्स अन् चेहऱ्यावरील हावभाव पाहून तुम्हीही तिचं कौतुक कराल. सध्या तिचा हा डान्स सोशल मीडियावर व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @pawanbankar_official या अकाउंटवरून शेअर करण्यात आला आहे. त्यावर आतापर्यंत एक मिलियनहून अधिक व्ह्युज आणि अनेक हजारो लाइक्स मिळाल्या आहेत. त्यावर अनेक युजर्स कमेंट्स करीत आहेत. एका युजरने कमेंटमध्ये लिहिलेय “एकच नंबर” आणखी एकाने लिहिलेय, “याला बोलतात डान्स” आणखी एकाने लिहिलेय, “खूपच क्यूट.”
