अरेच्चा! चक्क मॅगीची हातगाडी कधी पाहिली आहे का? VIDEO पाहून नेटकरी म्हणाले, ‘एक्स्पायर्ड…’

रस्त्यावर खाद्यपदार्थ विकणाऱ्या विक्रेत्यांचे व्हिडीओ नेहमीच खाद्यप्रेमींना आकर्षित करतात. हातगाडीवरून अनेकदा कप-बशी, भाजी किंवा आणखीही काही वस्तू विकताना अनेक विक्रेते तुम्हाला दिसतात. पण, आज व्हायरल होणाऱ्या व्हिडीओत एक विक्रेता चक्क मॅगी विकताना दिसून आला आहे. आता तुम्ही म्हणाल यात काय वेगळं आहे. तर हा विक्रेता पॅकेटमधील मॅगी कांदे, बटाटे जसे विकले जातात त्याप्रमाणे मॅगीही विनापॅकेट उघड्यावर विकताना दिसून आला आहे. एकदा तुम्हीसुद्धा पाहा या विक्रेत्याचा व्हिडीओ.

हेही वाचा…चित्रकाराच्या कलेला सलाम! तिकिटावर ‘DDLJ’ चित्रपटातील ‘हा’ सीन हुबेहूब रेखाटला; VIDEO पाहून व्हाल थक्क…

व्हिडीओ नक्की बघा :

तुम्ही पाहिले असेल की, अगदी कांदे, बटाटे विकले जातात अगदी त्याचप्रमाणे हातगाडीवर हा विक्रेता मॅगी विकतो आहे. वजनकाट्यावर या मॅगीचे वजन करून, त्यात मॅगी मसाला देऊन प्लास्टिकच्या पिशवीतून तो ग्राहकांना देतो आहे. तसेच ग्राहकसुद्धा ही उघड्यावर विकली जाणारी मॅगी बिनधास्त विकत घेताना दिसत आहेत; जे पाहून तुम्हाला आश्चर्य वाटल्याशिवाय राहणार नाही.

सोशल मीडियावर हा व्हिडीओ @Chatore_Broothers या इन्स्टाग्रामवर अकाउंटवरून शेअर करण्यात आला आहे. नेटकरी हा व्हिडीओ पाहून संमिश्र प्रतिक्रिया देत आहेत. काही जण संताप व्यक्त करून ही मॅगी एक्स्पायर्ड आहे असे सांगताना, तर काही जण मॅगीची हातगाडी पाहून मजेशीर प्रतिक्रिया व्यक्त करताना दिसून आले आहेत. एकूणच सोशल मीडियावर या व्हिडीओने अनेकांचे लक्ष वेधून घेतले आहे.