Leopard Viral Video: प्राणी असो किंवा माणूस, दोघांची आयुष्य जगण्याची पद्धत जरी वेगळी असली तरीही या दोन्ही सजीवांमध्ये पोट भरणे ही एक गोष्ट खूप महत्त्वाची आहे. यासाठी ते आपआपल्या परीने प्रयत्न करताना दिसतात. आजवर तुम्ही अनेक व्हिडीओ पाहिले असतील, ज्यामध्ये हिंस्र प्राणी इतर प्राण्यांची शिकार करताना दिसले असतील. आता व्हायरल होत असलेल्या व्हिडीओतही अशीच एक घटना मानवी वस्तीमध्ये घडल्याचे दिसत आहे.
प्राण्यांचे विविध व्हायरल व्हिडीओ सोशल मीडियावर खूप चर्चेत येत असतात, ज्यात जंगलातील कधीही न पाहिलेले प्राण्यांचे थरारक व्हिडीओ, तर कधी प्राण्यांचे मजेशीर व्हिडीओ आपल्याला पाहायला मिळतात. माणसांप्रमाणेच प्राणीदेखील आपली भूक भागविण्यासाठी काही ना काहीतरी करतात. अनेकदा जंगलातील वाघ, सिंह, बिबट्या यांसारखे प्राणीदेखील भूक भागवण्यासाठी एखाद्या प्राण्याची शिकार करताना दिसतात. पण, हल्ली जंगलांची संख्या कमी झाल्यामुळे जंगलातील प्राणी मानवी वस्तीतही शिरकाव करतात. या व्हिडीओत अशीच एक घटना पाहायला मिळत आहे.
वाघ, सिंह, बिबट्या यांसारखे हिंस्र प्राणी अनेकदा मानवी वस्तीमध्ये शिरकाव करून येथील माणसांवर किंवा श्वान, शेळी अशा प्राण्यांवर हल्ला करतात. ही शिकार करण्यासाठी ते रात्रीची वेळ निवडतात. आता व्हायरल व्हिडीओतही एका बिबट्याने अशीच युक्ती आखून तो कुत्र्याची शिकार करताना दिसतोय. या व्हिडीओमध्ये तुम्ही पाहू शकता, एका घराच्या अंगणात बिबट्या श्वानाला पकडून त्याचे लचके तोडण्याचा प्रयत्न करत आहे. इतक्यात एक व्यक्ती तिथे येतो आणि हाड…हाड असं म्हणतो. त्या व्यक्तीचा आवाज ऐकून बिबट्या तिथून पळून जातो. हाड हाड म्हटल्यावर बिबट्या पळून गेल्याचे पाहून सोशल मीडियावर नेटकरी बिबट्याची खिल्ली उडवताना दिसत आहेत.
पाहा व्हिडीओ:
हा व्हिडीओ इन्स्टाग्रामवरील @bhannat_marathii या अकाउंटवर शेअर करण्यात आला असून याला आतापर्यंत जवळपास पाच लाखांहून अधिक व्ह्युज मिळाल्या आहेत, तर हजारो लाइक्स मिळाल्या आहेत. शिवाय यावर अनेक युजर्स कमेंट्स करताना दिसत आहेत. एका युजरने लिहिलंय की, “एका मूक कुत्र्याचा जीव वाचला”, तर आणखी एकाने लिहिलंय की, “त्याला कुत्रा बनायचं होतं पण घरच्यांच्या pressure मुळे बिबट्या बनला”, तर आणखी एकाने लिहिलंय की, “हाड हाड हे प्राणी पळवून लावायचे मंत्र आहे, समोरचा हिंसक प्राणी दूर पळून जातो, पण मनुष्य प्राण्याला म्हटले तर अंगावर मारायला येतो”; तर आणखी एका व्यक्तीने लिहिलंय की, “बिबट्या भावा, तू मम्मी-पप्पांचं नाव खराब केलंस.”
