Viral Video: सध्या लग्नसराईचे दिवस सुरू असून सोशल मीडियावर लग्नातील रिल्स, फोटो सतत व्हायरल होत असतात. या व्हायरल होणाऱ्या व्हिडीओंमध्ये लग्नातील अनेक गमतीजमती, अनोख्या प्रथा, हटके उखाणे आपल्याला पाहायला मिळतात. सध्या असाच एक भन्नाट व्हिडीओ मोठ्या प्रमाणात व्हायरल होत आहे, ज्यात लग्नातल्या वरातीमध्ये नवरदेव हटके डान्स करताना दिसत आहे.
सोशल मीडियावर लग्नातील अनेक व्हिडीओ व्हायरल होतात, ज्यात अनेकदा वर आणि वधूदेखील इतरांप्रमाणे बेभान होऊन नाचताना दिसतात. आता व्हायरल होणाऱ्या व्हिडीओमध्येदेखील एक नवरदेव असाच भान सोडून नाचताना दिसत आहे, ज्याला पाहून तुम्हीदेखील चकित व्हाल.
या व्हायरल व्हिडीओमध्ये तुम्ही पाहू शकता, वधू आणि वर वरातीच्या गाडीमध्ये बसले असून त्यांच्या समोर नवरदेवाचे काही मित्र नाचताना दिसत आहेत. यावेळी अचानक नवरदेवाच्या आवडीचे गाणे सुरू होते, त्यावेळी तो जागेवरून उठून गळ्यातील वरमाला आणि पुष्पगुच्छ पत्नीकडे देऊन गाडीतून खाली उडी मारून मित्रांसोबत नाचायला जातो. नवरदेव नाचायला येताच मित्रदेखील त्याच्यासोबत बेभान होऊन नाचताना दिसतात. यावेळी तो नवरदेवदेखील बेभान होऊन नाचताना दिसत आहे. नवऱ्याचा डान्स पाहून युजर्स यावर अनेक कमेंट्स करताना दिसत आहेत.
पाहा व्हिडीओ:
हा व्हायरल व्हिडीओ इन्स्टाग्रामवरील @uff_teri_adaa_ या अकाउंटवर शेअर करण्यात आला असून यावर आतापर्यंत दहा लाखांहून अधिक व्ह्यूज मिळाल्या असून एक लाखांहून अधिक लाइक्स मिळाल्या आहेत. तसेच यावर एका युजरने कमेंट करून लिहिलंय की, “हा त्याच्या आयुष्यातील सर्वात सुंदर क्षण आहे.” तर दुसऱ्या युजरने लिहिलंय की, “बहुतेक हा याचा बेस्टफ्रेंड असेल.” तर तिसऱ्या एकाने लिहिलंय की, “जेव्हा लग्नात नाचण्यासाठी मित्र बोलावतात, तेव्हा कोणालाच राहवत नाही.” तर आणखी एकाने लिहिलंय की, “भावाला त्याच्या आवडीची बायको भेटली आहे.”
