Viral Video: समाजमाध्यमांवर नवनवीन गाणी, डान्स यांचे व्हिडीओ, तसेच विविध प्रकारच्या गोष्टी व्हायरल होत असतात. व्हायरल झालेल्या गाण्यांवर, डायलॉग्ज किंवा डान्स स्टेप्सवर लोक मोठ्या प्रमाणात रील्स बनवताना दिसतात. या चर्चेत असलेल्या गोष्टींवर अनेक सेलिब्रिटीदेखील रील्स बनवितात. सध्या सोशल मीडियावर संजू राठोडचं ‘सुंदरी सुंदरी’ हे गाणं खूप चर्चेत आहे, ज्याच्यावर लाखो युजर्स रील्स बनवताना दिसत आहेत.
सोशल मीडियावर दररोज अनेक व्हिडीओ व्हायरल होताना आपण पाहत असतो. यात मजेशीर तसेच डान्सच्या व्हिडीओंची संख्या अधिक असते. डान्स करणे हा अनेकांसाठी एक उत्तम विरंगुळा असतो. डान्स केल्यावर शरीराचा व्यायाम तर होतोच पण मनही शांत होते. मुलीही अनेकदा एकत्र आल्या की एखाद्या गाण्यावर डान्स सादर करून दाखवतात. डान्सची असणारी आवड त्यांना शांत बसू देत नाही. आता व्हायरल होत असलेल्या व्हिडीओतही तुम्हाला असंच काहीतरी पाहायला मिळेल.
या व्हायरल व्हिडीओमध्ये तुम्ही पाहू शकता, दोन महिला संजू राठोडच्या नुकत्याच काही दिवसांपूर्वी प्रदर्शित झालेल्या ‘सुंदरी सुंदरी’ या गाण्यावर ठेका धरताना दिसत आहेत. त्यांचा हा डान्स सोशल मीडियावर खूप व्हायरल होत असून नेटकरी त्यांच्या डान्सचे खूप कौतुक करताना दिसत आहेत.
पाहा व्हिडीओ:
हा व्हायरल व्हिडीओ इन्स्टाग्रामवरील @rutu_vinu या अकाउंटवर शेअर करण्यात आला असून यावर आतापर्यंत दोन मिलियनहून अधिक लाइक्स आणि हजारो व्ह्युज मिळाल्या आहेत. तसेच अनेक युजर्स यावर कमेंट्स करताना दिसत आहेत. एकाने लिहिलंय की, “दोघीही खूप छान करतायत”, तर दुसऱ्याने लिहिलंय की, “एकच नंबर ताई”, तर आणखी एकाने लिहिलंय की, “काय नाचल्या राव दोघी.”
